ചില്ലറ മണി ഹെയ്സ്റ്റ്: എസ് ബി ഐയില്‍ നിന്ന് 11 കോടി രൂപയുടെ നാണയങ്ങള്‍ കാണാനില്ല; സിബിഐ അന്വേഷണം

എസ്ബിഐ ബ്രാഞ്ചില്‍ നിന്ന് 11 കോടി രൂപയുടെ ചില്ലറത്തുട്ടുകള്‍ കാണാതായതില്‍ സിബിഐ അന്വേഷണം. രാജസ്ഥാനിലെ കരൗളി ബ്രാഞ്ചില്‍ നിന്നാണ് ഇത്രയധികം നാണയങ്ങള്‍ കാണാതായത്. ഇതുമായി ബന്ധപ്പെട്ട് സിബിഐ 25-ല്‍ അധികം സ്ഥലങ്ങളില്‍ പരിശോധന നടത്തിയിട്ടും കാണാതായ നാണയങ്ങളെക്കുറിച്ച് യാതൊരു തുമ്പും ഇതുവരെയും കണ്ടെത്താനായിട്ടില്ല. (Coins worth Rs 11 crore go missing from SBI vaults cbi probe)

രാജസ്ഥാന്‍ ഹൈക്കോടതിയുടെ ഏപ്രില്‍ 13-ലെ ഉത്തരവ് പ്രകാരമാണ് അന്വേഷണം സിബിഐ ഏറ്റെടുക്കുന്നത്. ഡല്‍ഹി, ജയ്പൂര്‍, ദൗസ, കരൗളി, അല്‍വാര്‍, ഉദയ്പൂര്‍, ബില്‍വാര നഗരങ്ങള്‍ കേന്ദ്രീകരിച്ചാണ് നിലവില്‍ അന്വേഷണം പുരോഗമിക്കുന്നത്. കൗണ്ടിംഗിനായുള്ള സ്വകാര്യ ഏജന്‍സിയാണ് 11 കോടി വിലമതിക്കുന്ന നാണയങ്ങള്‍ കാണാനില്ലെന്ന് കണ്ടെത്തുന്നത്.

Read Also: കുടിച്ചോ, ഇഷ്ടംപോലെ കുടിച്ചോ; യുവാക്കളെ മദ്യപിക്കാന്‍ പ്രോത്സാഹിപ്പിച്ച് ജപ്പാന്‍; അതിനൊരു കാരണമുണ്ട്

രണ്ട് കോടി രൂപയുടെ നാണയങ്ങള്‍ മാത്രമാണ് നിലവില്‍ ആര്‍ബിഐയ്ക്ക് കൈമാറിയിരിക്കുന്നത്. ഇത് 3000 നാണയ സഞ്ചികള്‍ മാത്രമാണുണ്ടായിരുന്നത്. ബാക്കി നാണയങ്ങള്‍ എവിടെപ്പോയെന്നത് സംബന്ധിച്ച് ബാങ്ക് ജീവനക്കാര്‍ക്കോ അധികൃതര്‍ക്കോ യാതൊരു അറിവുമില്ല.

Story Highlights: Coins worth Rs 11 crore go missing from SBI vaults cbi probe