Advertisement

എറണാകുളം ടൗണിന് സമീപമുള്ള വെള്ളക്കെട്ട് മാറി; റെയിൽവേ സിഗ്നൽ സംവിധാനം സാധാരണ നിലയിൽ

August 30, 2022
Google News 2 minutes Read

എറണാകുളം ജില്ലയിലെ കനത്ത മഴയിൽ തകരാറിലായ റെയിൽവേ സ്റ്റേഷനുകളിലെ സി​ഗ്നൽ സംവിധാനം സാധാരണ ​ഗതിയിൽ. ആലപ്പുഴ വഴി സർവീസ് നടത്തുമെന്ന് അറിയിച്ചിരുന്ന സെക്കന്തരാബാദ് – തിരുവനന്തപുരം ശബരി എക്സ്പ്രസ് കോട്ടയം വഴി തന്നെ സർവീസ് നടത്തും.

സി​ഗ്നൽ സംവിധാനം പുനഃസ്ഥാപിച്ചെങ്കിലും ട്രെയിനുകൾ വൈകി ഓടുന്നുത് തുടരുകയാണ്. ശബരി, പരശുറാം, വേണാട് ഉൾപ്പെടെയുള്ള ട്രെയിനുകൾ ഓടുന്നത് മണിക്കൂറുകൾ വൈകിയാണ്.

എറണാകുളം ജംഗ്ഷൻ സ്റ്റേഷനിൽ നിന്ന് വൈകിട്ട് 6.00ന് പുറപ്പെടേണ്ട, 06451 എറണാകുളം – കായംകുളം അൺറിസേർവ്ഡ് എക്സ്പ്രസ് സ്പെഷ്യൽ ഇന്ന് സർവീസ് നടത്തില്ല. എറണാകുളം – കൊല്ലം മെമു സ്പെഷ്യൽ ഇന്ന് മുളന്തുരുത്തി നിന്നാവും സർവീസ് ആരംഭിക്കുക. ഈ ട്രെയിൻ എറണാകുളത്തിനും – മുളന്തുരുത്തിക്കും ഇടയിൽ ഭാഗികമായി റദ്ദ് ചെയ്തിരിക്കുന്നു.

12677 KSR ബെംഗളൂരു – എറണാകുളം ഇന്റർസിറ്റി ആലുവയിലും, ഗുരുവായൂർ – എറണാകുളം അൺറിസേർവ്ഡ് എക്സ്പ്രസ് ഇടപ്പള്ളിയിലും, കൊല്ലം – എറണാകുളം മെമു എക്സ്പ്രസ് മുളന്തുരുത്തി സ്റ്റേഷനിലും സർവീസ് അവസാനിപ്പിച്ചു.

വിവിധയിടങ്ങളിൽ റെയിൽവേ ട്രാക്കുകളിൽ വെള്ളം കയറി. ഇതേതുടർന്ന് പരശുറാം എക്‌സ്പ്രസ് എറണാകുളം ടൗൺ വഴി തിരിച്ചുവിട്ടു. നിസാമുദ്ദീൻ-എറണാകുളം മംഗള എക്‌സ്പ്രസ് ടൗൺ സ്റ്റേഷനിൽ സർവീസ് നിർത്തി.

കണ്ണൂർ-തിരുവനന്തപുരം ജനശതാബ്ദി എക്‌സ്പ്രസും വൈകിയോടുകയാണ്. കണ്ണൂർ-തിരുവനന്തപുരം ജനശതാബ്ദി ആലപ്പുഴ വഴി സർവീസ് നടത്തുന്നുണ്ട്.

Story Highlights: Railway signaling system in normal condition

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here