Advertisement

തദ്ദേശസ്വയംഭരണ വകുപ്പിലുള്ളവരോട് നന്ദി പറഞ്ഞ് എം.വി ഗോവിന്ദൻ

September 2, 2022
2 minutes Read
MV Govindan thanked the people of the Local Self-Government Department
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

മന്ത്രിസ്ഥാനം രാജി വെച്ചതിന് പിന്നാലെ തദ്ദേശസ്വയംഭരണ വകുപ്പിലുള്ളവരോട് നന്ദി പറഞ്ഞ് എം.വി ഗോവിന്ദൻ. പാർട്ടി സംസ്ഥാന സെക്രട്ടറിയായി പുതിയ ചുമതല ഏറ്റെടുത്തതിനാൽ, തദ്ദേശസ്വയംഭരണ-എക്സൈസ്‌ വകുപ്പ്‌ മന്ത്രി എന്ന ചുമതല ഒഴിയുകയാണെന്നും മുഖ്യമന്ത്രിക്ക് ഇന്ന് രാജിക്കത്ത് കൈമാറിയെന്നും അദ്ദേഹം അറിയിച്ചു.

കഴിഞ്ഞ ഒന്നേകാൽ വർഷക്കാലത്തെ പ്രവർത്തനങ്ങൾക്ക് അകമഴിഞ്ഞ പിന്തുണയും ആത്മാർത്ഥമായ സഹകരണവും നൽകിയ തദ്ദേശസ്വയംഭരണ ജനപ്രതിനിധികൾ, കൈകാര്യം ചെയ്ത വകുപ്പുകളിലെ ഉദ്യോഗസ്ഥരും ജീവനക്കാരും, കുടുംബശ്രീ പ്രസ്ഥാനത്തിലെ പ്രിയപ്പെട്ടവർ തുടങ്ങി ഓരോരുത്തരോടും നന്ദി അറിയിക്കുന്നു.

Read Also: ‘എല്ലാവരെയും വിശ്വാസത്തിലെടുത്ത് സംഘടനാ കാര്യങ്ങളുമായി മുന്നോട്ട് പോകും’ : എം.വി ഗോവിന്ദൻ

തദ്ദേശ സ്വയംഭരണ വകുപ്പിനെയും എക്സൈസ്‌ വകുപ്പിനെയും കൂടുതൽ ഉയരത്തിലേക്ക്‌ നയിക്കാൻ, കാര്യക്ഷമമായ ഇടപെടൽ തുടർന്നും നിങ്ങൾ ഏറ്റെടുക്കുമെന്ന് പ്രതീക്ഷിക്കുന്നു. പ്രാദേശിക സർക്കാരുകളായ തദ്ദേശ ഭരണ സ്ഥാപനങ്ങളെ കൂടുതൽ കരുത്തുറ്റതാക്കാനുള്ള നടപടികളുമായി ഇടതുപക്ഷ ജനാധിപത്യ മുന്നണി സർക്കാർ മുന്നോട്ടുപോവുകയാണ്‌. ലഹരിമുക്ത കേരളത്തിനായി വിപുലമായ ക്യാമ്പയിനും നടപ്പിലാക്കുകയാണ്. ഈ പ്രവർത്തനങ്ങൾക്കൊപ്പം ഒറ്റക്കെട്ടായി നമുക്ക്‌ അണിചേരാം.

ജനങ്ങൾക്കൊപ്പം നിന്ന് അവരുടെ പ്രശ്നങ്ങളുയർത്തിയുള്ള നിരന്തര പോരാട്ടമാണ്‌ ഓരോ കമ്യൂണിസ്റ്റുകാരന്റെയും മുഖ്യചുമതല. നമുക്കൊന്നിച്ച് നവകേരള സൃഷ്ടിക്കായുള്ള പോരാട്ടത്തിൽ അണിചേരാം. – അദ്ദേഹം ഫെയ്സ്ബുക്കിൽ കുറിച്ചു.

Story Highlights: MV Govindan thanked the people of the Local Self-Government Department

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement