Advertisement

സഹോദരിയുടെ മുന്നിൽവെച്ച് പതി​നാ​ലുകാരനെ തട്ടിക്കൊണ്ടുപോയ യുവാവിനെ മണി​ക്കൂ​റു​കൾക്കകം പൊലീസ് പിടികൂടി

September 7, 2022
Google News 2 minutes Read
police arrested the youth who kidnapped the 14-year-old boy

സഹോദരിയുടെ മുന്നിൽവെച്ച് പതി​നാ​ലുവയസുള്ള ആൺകുട്ടിയെ തട്ടി​ക്കൊണ്ടു പോയ യുവാവിനെ മണി​ക്കൂ​റു​കൾക്കകം പൊലീസ് പിടി​കൂടി. കൊല്ലത്താണ് സംഭവം. കാട്ടു​തറ, പുളി​യൻവിള തെറ്റ​യിൽ ബിജുവിനെയാണ് (30) കൊട്ടിയം പൊലീ​സ് അറസ്റ്റ് ചെയ്തത്. കൊട്ടിയം വാലി​മു​ക്കി​ൽ വാടകയ്ക്ക് താമ​സി​ക്കുന്ന കുടും​ബ​ത്തിലെ ഒമ്പതാം ക്ലാസുകാ​ര​നെ​യാണ് കാറിൽ വന്ന സംഘം ബല​മായി വണ്ടി​യിൽ കയറ്റിക്കൊണ്ടു പോയ​ത്.

സഹോ​ദരിയെ മർദിച്ച ശേഷമാണ് പതി​നാ​ലുവയസുകാരനെ കടത്തിക്കൊണ്ടുപോയത്. ജില്ലാ പൊലീസ് മേധാവി മെറിൻ ജോസഫിന്റെ നേതൃ​ത്വ​ത്തി​ലുള്ള പ്രത്യേക അന്വേ​ഷണ സംഘം സി.​സി.​ടി.വി ദൃശ്യ​ങ്ങ​ളുടെ സഹാ​യ​ത്തോടെയാണ് കുട്ടിയെ തട്ടി​ക്കൊണ്ടു പോകാൻ ഉപ​യോ​ഗിച്ച വാഹ​ന​ത്തെ കുറി​ച്ചുള്ള വിവ​ര​ങ്ങൾ ശേഖരിച്ചത്.

വാഹനം തമി​ഴ്‌നാട് രജി​സ്‌ട്രേ​ഷ​നി​ലുള്ളതാണെന്ന് മന​സ്സി​ലാ​ക്കിയതോടെ വാഹ​ന​പ​രി​ശോ​ധന കർശനമാക്കി. വാഹ​നം ​ഇടക്ക് വച്ച് മാറി​യെങ്കിലും കേരള-ത​മി​ഴ്‌നാട് അതിർത്തി​യിൽ നടന്ന വാഹന പരി​ശോ​ധ​ന​യിൽ കുട്ടിയെ കണ്ടെ​ത്തു​ക​യും പ്രതി​യായ യുവാ​വിനെ പിടി​കൂ​ടു​ക​യുമാ​യി​രു​ന്നു. ചാത്ത​ന്നൂർ എ.​സി.പി ബി ഗോപ​കു​മാ​റിന്റെ നേതൃ​ത്വ​ത്തിലുള്ള പൊലീസ് സംഘമാണ് പ്രതിയെ പിടികൂടിയത്.

Story Highlights: police arrested the youth who kidnapped the 14-year-old boy

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here