Advertisement

‘രാജ്യത്തിന്റെ ഐക്യത്തിനായുള്ള പദയാത്ര’; വീടിന്റെ ചുമരുകളിൽ ഭാരത് ജോഡോ യാത്രയുടെ ചിത്രം വരച്ച് യൂത്ത് കോൺ​ഗ്രസ് നേതാവ്

September 18, 2022
4 minutes Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

രാഹുല്‍ ഗാന്ധിയുടെ ഭാരത് ജോഡോ യാത്രയോടനുബന്ധിച്ച് തന്റെ വീടിന്റെ ചുമരുകളിൽ രാഹുല്‍ ഗാന്ധിയുടെ ചിത്രം വരച്ച് യൂത്ത് കോണ്‍ഗ്രസ് നേതാവ്. എറണാകുളം ജില്ലാ സെക്രട്ടറി പി എ നോബല്‍ കുമാറാണ് തന്റെ വീടിന്റെ ചുമരുകളിൽ ചിത്രങ്ങൾ വരച്ചത്. രാജ്യത്തിന്റെ ഐക്യത്തിനായി ചരിത്രപ്രധാനമായ പദയാത്രയാണ് കോണ്‍ഗ്രസ് നയിക്കുന്നതെന്ന് നോബല്‍ കുമാര്‍ പറഞ്ഞു.(Youth Congress leader paints house with Rahul’s image Bharat Jodo Yatra)

ഇതേ രീതിയില്‍ തദ്ദേശ തെരഞ്ഞെടുപ്പിനും നിയമസഭാ തെരഞ്ഞെടുപ്പിനും പെയ്ന്റ് ചെയ്തിരുന്നതായി നോബല്‍ കുമാര്‍ പറഞ്ഞു.’ഒരുമിക്കുന്ന ചുവടുകള്‍, ഒന്നാകുന്ന രാജ്യം, രാഹുല്‍ജിക്ക് അഭിവാദ്യങ്ങള്‍’ എന്നിങ്ങനെ മുദ്രാവാക്യങ്ങളും ചുമരില്‍ രേഖപ്പെടുത്തിയിട്ടുണ്ട്. രാഹുല്‍ ഗാന്ധിയോടൊപ്പമുള്ള ചിത്രമെടുക്കാന്‍ സാധിക്കുമെന്നാണ് പ്രതീക്ഷിക്കുന്നതെന്ന് നോബല്‍ കുമാര്‍ പറഞ്ഞു.

Read Also: ‘ലോട്ടറി എടുത്ത ശേഷം രണ്ട് തവണ നികുതി അടയ്‌ക്കേണ്ടി വന്നു’; ഭാഗ്യക്കുറിയിലൂടെ വരുന്ന ‘ഭാഗ്യം’ മാത്രമല്ലെന്ന് കഴിഞ്ഞ തവണത്തെ ബമ്പർ സമ്മാന ജേതാവ് ജയപാലൻ

അതേസമയം, രാഹുല്‍ ഗാന്ധി നയിക്കുന്ന ഭാരത് ജോഡോ യാത്ര ഇന്ന് ആലപ്പുഴ ജില്ലയില്‍ പ്രവേശിച്ചു. ഇന്ന് രാവിലെ ഹരിപ്പാട് ഗാന്ധി പാർക്കിൽ നിന്നാരംഭിച്ച പദയാത്രയുടെ ആദ്യഘട്ടം പുറക്കാട് ഒറ്റപ്പനയിൽ സമാപിച്ചു. കാർഷിക മേഖലയിലെ പ്രശ്നങ്ങളെക്കുറിച്ച് കർഷക പ്രതിനിധികളുമായി രാഹുൽ കൂടിക്കാഴ്ച നടത്തും. വൈകിട്ട് നാലിനാരംഭിക്കുന്ന രണ്ടാം ഘട്ട പദയാത്ര പുന്നപ്രയിൽ സമാപിക്കും.

Story Highlights: Youth Congress leader paints house with Rahul’s image Bharat Jodo Yatra

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement