ഏറ്റുമാനൂരിൽ തെരുവുനായ ആറ് പേരെ കടിച്ചു; ഒടുവിൽ നഗരസഭാ അധികൃതരെത്തി നായയെ പിടികൂടി

ഏറ്റുമാനൂരിൽ തെരുവുനായയുടെ ആക്രമണത്തിൽ ആറു പേർക്ക് കടിയേറ്റു. രണ്ടു കുട്ടികൾക്കും, നാല് മുതിർന്നവർക്കുമാണ് നായയുടെ കടിയേറ്റത്. ഇന്ന് വൈകുന്നേരം നാലരയോടെയായിരുന്നു സംഭവം.

ഏറ്റുമാനൂർ ക്ഷേത്രം അമ്പലനട ഭാഗത്താണ് തെരുവുനായ വഴിയാത്രക്കാർ അടക്കമുള്ളവരെ ആക്രമിച്ചത്. കഴുത്തിൽ ബെൽറ്റുള്ള നായയാണിതെന്ന് അറിയുന്നു. തുടർന്ന് ഏറ്റുമാനൂർ നഗരസഭയുടെ നേതൃത്വത്തിലുള്ള സംഘം ആക്രമണം നടത്തിയ നായയെ പിടികൂടി.

നായയുടെ കടിയേറ്റവരെ ഏറ്റുമാനൂരിലെ കുടുംബാരോഗ്യ കേന്ദ്രത്തിൽ പ്രാഥമിക ശുശ്രൂഷ നൽകിയ ശേഷം കോട്ടയം മെഡിക്കൽ കോളജ് ആശുപത്രിയിലേക്ക് മാറ്റി.

Story Highlights: six people Bitten by a stray dog