എൽസിഡി ടിവി പൊട്ടിത്തെറിച്ചു; 16 കാരന് ദാരുണാന്ത്യം

ഉത്തർ പ്രദേശിൽ എൽസിഡി ടിവി പൊട്ടിത്തെറിച്ച് 16 കാരന് ദാരുണാന്ത്യം. സുഹൃത്തിന്റെ വീട്ടിൽ ടി.വി കാണാൻ പോയതായിരുന്നു ബാലൻ. ( lcd tv blast 16 year old dead )

ഗാസിയാബാദിലെ ഹർഷ് വിഹാർ കോളനിയിലാണ് സംഭവം. ഭിത്തിയിൽ തൂക്കിയിട്ടിരുന്ന ടി.വിയാണ് പൊട്ടിത്തെറിച്ചത്. ആ സമയത്ത് ടി.വിക്ക് സമീപമുണ്ടായിരുന്ന മൂന്ന് പേരെയും ജിടിബി ആശുപത്രിയിൽ പ്രവേശിപ്പിച്ചു. എന്നാൽ 16 കാരനായ ഒമേന്ദ്ര ആശുപത്രിയിലെത്തും മുൻപേ മരിച്ചിരുന്നു. മറ്റ് രണ്ട് പേർ ഗുരുതരാവസ്ഥയിലാണ്.

Read Also: ഇലക്ട്രിക് സ്‌കൂട്ടര്‍ ചാര്‍ജ് ചെയ്യുന്നതിനിടെ ബാറ്ററി പൊട്ടിത്തെറിച്ചു; വീട്ടില്‍ ഉറങ്ങിക്കിടന്ന ഏഴുവയസുകാരന് ദാരുണാന്ത്യം

ഇലക്ട്രിക് സ്‌കൂട്ടർ, മൊബൈൽ എന്നീ ഉപകരണങ്ങൾ പൊട്ടിത്തെറിച്ചതായുള്ള വാർത്ത നാം കേട്ടിട്ടുണ്ടെങ്കിലും ഇതാദ്യമായാണ് ടെലിവിഷൻ പൊട്ടിത്തെറിച്ചുവെന്ന വാർത്ത പുറത്ത് വരുന്നത്. എന്താണ് പൊട്ടിത്തെറിയിലേക്ക് നയിച്ചത് എന്നത് സംബന്ധിച്ച അന്വേഷണം പുരോഗമിക്കുകയാണ്.

Story Highlights: lcd tv blast 16 year old dead