ദുബായിൽ പൊതു​ഗതാ​ഗതം ഉപയോഗിക്കുന്നവരുടെ എണ്ണത്തിൽ വർധന

ദുബായിൽ പൊതു​ഗതാ​ഗതം ഉപയോ​ഗിക്കുന്നവരുടെ എണ്ണത്തിൽ വർധനയെന്ന് റിപ്പോർട്ട്. 2022ലെ ആദ്യ ആ​റു​മാ​സ കാ​ല​യ​ള​വി​ൽ മാത്രം 30 കോ​ടിയിലധികം പേ​രാ​ണ്​ പൊ​തു​ഗ​താ​ഗം ഉ​പ​യോ​ഗി​ച്ചതെന്നാണ് കണക്കുകൾ വ്യക്തമാക്കുന്നത് ( Increase public transport in Dubai ).

ആ​ർടി​എ​യു​​ടെ 17-ാം വാ​ർ​ഷി​ക​ത്തോടനുബന്ധിച്ച്​ പു​റ​ത്തി​റ​ക്കി​യ റി​പ്പോ​ർ​ട്ടി​ലാ​ണ്​ ദുബായിൽ പൊതു​ഗതാ​ഗത സംവിധാനങ്ങൾ ഉപയോ​ഗിക്കുന്നവരുടെ എണ്ണത്തിലെ വർധനവ് വ്യക്തമാക്കുന്നത്.

Read Also: കുറുവന്‍കോണത്ത് വീട്ടില്‍ കയറി അതിക്രമം നടത്തിയ പ്രതി പിടിയില്‍

ദി​വ​സ​വും ഉ​പ​യോ​ഗി​ക്കു​ന്ന​ത്​ 16.8 ല​ക്ഷത്തോളം ആളുകളാണ് ദുബായിൽ മെ​ട്രൊ, ബ​സ്, ടാ​ക്സി, ട്രാം, ​ജ​ല​ഗ​താ​ഗ​തം ഉ​ൾ​പ്പെടെ​യു​ള്ള ​പൊ​തു​ഗ​താ​ഗ​ത സംവിധാനങ്ങളെ ആശ്രയിക്കുന്നത്. ഇത്തരത്തിൽ ഈ ​വ​ർ​ഷം ആ​ദ്യ ആ​റു​മാ​സ കാ​ല​യ​ള​വി​ൽ മാത്രം 30 കോടിയിലധികം പേ​രാ​ണ്​ പൊ​തു​ഗ​താ​ഗതം ഉ​പ​യോ​ഗി​ച്ച​തെന്ന് കണക്കുകൾ വ്യക്തമാക്കുന്നു.

അടിസ്ഥാന സൗകര്യങ്ങളിലും വർധനവുണ്ടായിട്ടുണ്ട്. 2006ൽ 8715 ​കി. മീ​റ്റ​റാ​യി​രു​ന്നു ദു​ബാ​യി​ലെ റോ​ഡു​ക​ളു​ടെ ദൈ​ർ​ഘ്യ​മെ​ങ്കി​ൽ ഇ​പ്പോ​ൾ 18475 ആ​യി. 129 പാ​ല​മു​ണ്ടാ​യി​രു​ന്ന​ത്​ ആ​റു​മ​ട​ങ്ങ്​ വ​ർ​ധി​ച്ച്​ 884 ആ​യതായും അധികൃതർ വ്യക്തമാക്കി. തടസമില്ലാത്ത യാത്ര ഉറപ്പാക്കാൻ പൊതുഗതാഗതമാണ് ഏറ്റവും മികച്ചതെന്ന് ആർടിഎ ഡയറക്ടർ ജനറൽ മാത്തർ അൽ തായർ പറഞ്ഞു.

ടാക്സികൾ ഹൈബ്രിഡ് എൻജിനുകളിലേക്കു മാറിയതോടെ ഊർജ ഉപയോഗത്തിൽ 18 ശതമാനവും ഇന്ധന ഉപയോഗത്തിൽ 36 ശതമാനവും കുറവുണ്ടായതായും ആർടിഎയുടെ പഴയ ബസുകൾ മാറ്റുന്ന ജോലികൾ പുരോഗമിക്കുകയാണെന്നും അധികൃതർ അറിയിച്ചു.

Story Highlights: Increase public transport in Dubai