തന്റെ ഓസ്‌കാർ അവാർഡ് യുക്രൈൻ പ്രസിഡന്റ് വ്ലാഡിമർ സെലെൻസ്‌കിക്ക് സമ്മാനിച്ച് ഹോളിവുഡ് നടൻ

ഹോളിവുഡ് നടൻ ഷോൺ പെൻ തന്റെ ഓസ്‌കാർ അവാർഡ് യുക്രൈൻ പ്രസിഡന്റ് വ്ലാഡിമർ സെലെൻസ്‌കിക്ക് സമ്മാനിച്ചു. സെലെൻസ്‌കി തന്റെ ടെലിഗ്രാം ചാനലിൽ പെന്നിനൊപ്പം നിൽക്കുന്ന ഒരു വീഡിയോയും ഇതിനോടൊപ്പം പോസ്റ്റ് ചെയ്തിരുന്നു. യുക്രേനിയൻ പ്രസിഡന്റ് സെലെൻസ്‌കി പെന്നിന് രാജ്യത്തിന്റെ ഓർഡർ ഓഫ് മെറിറ്റ് നൽകുന്നതും വിഡിയോയിൽ കാണാം.

ലോകോത്തര നടൻ എന്നതിലുപരി, രാഷ്ട്രീയ പ്രവർത്തനത്തിനും ഷോൺ പെൻ സജീവമാണ്. മാർച്ചിൽ, റഷ്യ യുക്രൈൻ ആക്രമിച്ചതിനുശേഷം ഹോളിവുഡ് നടൻ തന്റെ ആദ്യ ടെലിവിഷൻ അഭിമുഖം നൽകിയിരുന്നു. അഭിമുഖത്തിൽ, ഷോൺ പെൻ യുക്രൈൻ പ്രസിഡന്റ് സെലെൻസ്‌കിയുമായി നടത്തിയ കൂടിക്കാഴ്ചകളെക്കുറിച്ചും സംസാരിച്ചു.

Sean Penn has given his Oscar to Ukraine – @ZelenskyyUa
Thank you, sir!
It is an honor for us. pic.twitter.com/vx2UfEVTds

— Anton Gerashchenko (@Gerashchenko_en) November 8, 2022

“അധിനിവേശത്തിന്റെ തലേദിവസം സെലെൻസ്‌കിയെ കണ്ടിരുന്നു. അതിനുശേഷം അധിനിവേശത്തിന്റെ തൊട്ടടുത്ത ദിവസങ്ങളിലും വീണ്ടും കണ്ടുമുട്ടി. അവൻ ഇതിനായി ജനിച്ചുവെന്ന് അവനറിയാമോ എന്ന് എനിക്കറിയില്ല. ധീരത, മാന്യത, സ്നേഹം, രാജ്യത്തെ ഏകീകരിച്ച രീതി എന്നിവയിൽ ആധുനിക ലോകത്തിന് പുതുമയുള്ള നിരവധി കാര്യങ്ങൾ അവർ കാണിച്ചുതന്നു,” എന്നാണ് ഷോൺ പെൻ സിഎൻഎന്നിന് നൽകിയ അഭിമുഖത്തിൽ പറഞ്ഞത്.

Story Highlights: Hollywood actor Sean Penn gifts his Oscar to Ukrainian President Zelenskyy