Advertisement

വരന്‍ സമ്മാനിച്ച ലഹങ്കയുടെ വില കുറഞ്ഞുപോയി; വിവാഹത്തില്‍ നിന്ന് പിന്മാറി വധു

November 18, 2022
2 minutes Read
bride cancels wedding after groom sends cheap lehenga
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

പല കാരണങ്ങളാല്‍ വിവാഹം മുടങ്ങുന്ന വാര്‍ത്തകളും വിവാഹത്തില്‍ നിന്ന് വരനോ വധുവോ പിന്മാറുന്ന വാര്‍ത്തകളും നാം കേള്‍ക്കാറുണ്ട്. ഗൗരവമുള്ള കാരണങ്ങളാണ് ഇവയില്‍ ചിലതെങ്കില്‍ ചിലതൊക്കെ കേള്‍ക്കുമ്പോള്‍ നിസാരമായി തോന്നാം.(bride cancels wedding after groom sends cheap lehenga)

എന്നാല്‍ കേട്ടാല്‍ അത്ഭുതം തോന്നുന്ന കാരണമാണ് ഉത്തരാഖണ്ഡില്‍ നിന്നുള്ള യുവതി തന്റെ വിവാഹത്തില്‍ നിന്ന് പിന്മാറിയതിനുള്ളത്. വരന്‍ വിവാഹത്തിന് ഇടാന്‍ സമ്മാനിച്ച ലഹങ്ക വിലകുറഞ്ഞതാണ് വധു പിന്മാറാന്‍ കാരണം. ലഖ്‌നൗവില്‍ നിന്ന് അല്‍മോറയിലേക്ക് വരുത്തിച്ച ലഹങ്കയാണ് വരന്‍ വധുവിന് സമ്മാനിച്ചത്. എന്നാല്‍ ഈ ലഹങ്ക 10,000 രൂപയുടേത് മാത്രമാണെന്ന് പറഞ്ഞാണ് വധു പിന്മാറിയത്.

വധു പിന്മാറിയെങ്കിലും ക്ഷണക്കത്തുകള്‍ വരെ അച്ചടിച്ചതിനാല്‍ വരന്റെ വീട്ടുകാര്‍ പൊലീസില്‍ വിവരമറിയിച്ചു. തുടര്‍ന്ന് ഇരുകൂട്ടരും പൊലീസ് സ്റ്റേഷനിലെത്തി. വരന്റെ കുടുംബം ബഹളമുണ്ടാക്കുകയും ചെയ്തു. സംഭവം സ്റ്റേഷന്‍ വരെയെത്തിയതോടെ ഇരുകൂട്ടരെയും പൊലീസ് അനുനയത്തിലൂടെ സംസാരിച്ച് പറഞ്ഞയച്ചു. ഒത്തുതീര്‍പ്പിലെത്തിയെങ്കിലും വിവാഹം വേണ്ടെന്ന തീരുമാനത്തിലേക്ക് രണ്ട് വീട്ടുകാരുമെത്തുകയായിരുന്നു.

Read Also: മൂന്ന് പതിറ്റാണ്ടിന് ശേഷം സ്‌കൂള്‍ ഗെറ്റ് ടുഗെതര്‍; പിന്നാലെ സുമതിയും ഹരിദാസനും ജീവിതപങ്കാളികളായി

നൈനിറ്റാളിലെ ഹല്‍ദ്വാനി ജില്ലക്കാരാണ് വധുവിന്റെ വീട്ടുകാര്‍. അല്‍മോറ സ്വദേശികളാണ് യുവതിയുടെ കുടുംബം. ജൂണ്‍ മാസത്തിലായിരുന്നു ഇരുവരുടെയും വിവാഹനിശ്ചയം.

Story Highlights: bride cancels wedding after groom sends cheap lehenga

ചുവടുവെക്കാം പാട്ടിനൊപ്പം. കോഴിക്കോടിന്റെ മണ്ണിൽ പാട്ടിന്റെ പെരുമഴ തീർക്കാൻ ഗൗരി ലക്ഷ്മി, ഗായകൻ ജോബ് കുര്യൻ, അവിയൽ, തൈക്കുടം ബ്രിഡ്ജ് എന്നീ ബാൻഡുകളുടെ തകർപ്പൻ പെർഫോമൻസുമായി 'ഡിബി നൈറ്റ് ബൈ ഫ്‌ളവേഴ്‌സ്’. Book Your Tickets Now..!

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement