ഋഷഭ് പന്തിന്റെ ആരോഗ്യനില മെച്ചപ്പെട്ടെന്ന് ഡോക്ടർമാർ; ഡല്ഹിയിലേക്ക് ഉടന് മാറ്റില്ല
ഋഷഭ് പന്തിന്റെ ആരോഗ്യനില മെച്ചപ്പെട്ടെന്ന് ഡോക്ടർമാർ. വിദഗ്ധ ചികിത്സക്കായി ഋഷഭ് പന്തിനെ ഡല്ഹിയിലെ ആശുപത്രിയിലേക്ക് എയര് ലിഫ്റ്റ് ചെയ്യാന് ബിസിസിഐ തയാറെടുക്കുന്നതായി റിപ്പോര്ട്ടുണ്ടായിരുന്നെങ്കിലും തത്കാലം അദ്ദേഹം ഡെറാഡൂണിലെ മാക്സ് ആശുപത്രിയില് തന്നെ ചികിത്സയില് തുടരും.(rishabh pants health condition improves no immediate shift)
ക്രിക്കറ്റ് താരം ഋഷഭ് പന്തിന്റെ ആരോഗ്യനിലയിൽ കാര്യമായ പുരോഗതിയുണ്ട്, അദ്ദേഹത്തെ മറ്റെന്തെങ്കിലും സൗകര്യത്തിലേക്ക് മാറ്റേണ്ടതുണ്ടോയെന്ന് ഡോക്ടർമാർ ഇതുവരെ തീരുമാനിച്ചിട്ടില്ലെന്ന് കുടുംബാംഗങ്ങളും പറഞ്ഞു. പന്തിന്റെ അമ്മ സരോജ പന്തും സഹോദരി സാക്ഷിയും ആശുപത്രിയിലുണ്ട്.
ലണ്ടനിലായിരുന്ന സഹോദരി ഇന്നലെയാണ് ആശുപത്രിയിലെത്തി പന്തിനെ സന്ദര്ശിച്ചത്. ബോളിവുഡ് താരങ്ങളായ അനില് കപൂറും അനുപം ഖേറും ആശുപത്രിയിലെത്തി റിഷഭ് പന്തിനെ സന്ദര്ശിച്ചിരുന്നു. ആരാധകരെന്ന നിലയിലാണ് പന്തിനെ സന്ദര്ശിച്ചതെന്ന് ഇരുവരും പിന്നീട് മാധ്യമങ്ങളോട് പ്രതികരിച്ചു. അദ്ദേഹം എത്രയും വേഗം സുഖം പ്രാപിച്ച് ക്രിക്കറ്റ് ഗ്രൗണ്ടില് തിരിച്ചെത്തട്ടെ എന്നും അവര് പറഞ്ഞു.
Read Also: പ്രതീക്ഷയുടെ പുതുവര്ഷം; 2023നെ ഗംഭീരമായി വരവേറ്റ് ലോകം
ക്രിക്കറ്റ് താരം നിതീഷ് റാണയും ഇന്നലെ ആശുപത്രിയിലെത്തി പന്തിനെ കണ്ടു. ഇന്നലെ പുലര്ച്ചെയുണ്ടായ അപകടത്തില് നെറ്റിയിലേറ്റ പരുക്കിന് പന്തിനെ ഇന്നലെ തന്നെ പ്ലാസ്റ്റിക് സര്ജറി നടത്തിയിരുന്നു. ഇന്നലെ പുലര്ച്ചെ ഡെറാഡൂണ്-ഡല്ഹി ദേശീയപാതയിലാണ് റിഷഭ് പന്ത് സഞ്ചരിച്ച കാര് അപകടത്തില്പ്പെട്ട് കത്തിയമര്ന്നത്. റിഷഭ് പന്ത് തന്നെയായിരുന്ന കാര് ഓടിച്ചിരുന്നത്. ഡ്രൈവിംഗിനിടെ ഉറങ്ങിപ്പോയതാണ് അപകടത്തിന് കാരണമെന്ന് പന്ത് പിന്നീട് വ്യക്തമാക്കിയതായി പൊലീസ് അറിയിച്ചിരുന്നു.
Story Highlights: rishabh pants health condition improves no immediate shift
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here