ഫലസ്തീൻ അധ്യാപകനെ ഇസ്രായേൽ സൈന്യം വധിച്ചു

അധിനിവേശ വെസ്റ്റ്ബാങ്കിൽ ഇസ്രായേൽ സൈന്യം നടത്തിയ വെടിവയ്പ്പിൽ ഒരു ഫലസ്തീൻ സ്കൂൾ അധ്യാപകൻ കൊല്ലപ്പെട്ടു. ആറ് കുട്ടികളുടെ പിതാവായ ജവാദ് ബൗക്നെ(57) ആണ് ജെനിൻ അഭയാർത്ഥി ക്യാമ്പിലെ കുടുംബ വീടിന് പുറത്ത് കൊല്ലപ്പെട്ടത്. ഒരു തീവ്രവാദിയെയും കൊല്ലപ്പെട്ടതായി ബിബിസിയുടെ റിപ്പോർട്ടിൽ പറയുന്നു.

വെടിവയ്പ്പിൽ ഗുരുതരമായി പരുക്കേറ്റ തീവ്രവാദിക്ക് പ്രഥമശുശ്രൂഷ നൽകാൻ ശ്രമിക്കുന്നതിനിടെയാണ് 57 കാരനായ അധ്യാപകന് വെടിയേറ്റതെന്ന് കുടുംബം അറിയിച്ചു. ബവഖ്‌നയുടെ സ്‌കൂളായ ഹഷാദ് സെക്കൻഡറി സ്‌കൂൾ ഫോർ ബോയ്‌സിൽ ഫിസിക്കൽ എജ്യുക്കേഷൻ അധ്യാപകനാണ് കൊല്ലപ്പെട്ട ജവാദ് ബൗക്നെ. കൊല്ലപ്പെട്ട അദം ജബറിൻ (28) ഇസ്ലാമിക് ജിഹാദ് തീവ്രവാദ ഗ്രൂപ്പിന്റെ അംഗമാണ്.

ജെനിൻ ക്യാമ്പിൽ പ്രവർത്തിക്കുന്ന സൈനികർക്ക് കനത്ത വെടിവയ്പുണ്ടായതായും സൈന്യം തിരിച്ചടിച്ചതായും ഇസ്രായേൽ സൈന്യം അറിയിച്ചു. എന്നാൽ അധ്യാപകന്റെ മരണത്തെക്കുറിച്ച് സൈന്യത്തിന് അഭിപ്രായമൊന്നും ഉണ്ടായിരുന്നില്ല. അദ്ദേഹത്തിന്റെ മരണത്തോടെ ഈ മാസം കൊല്ലപ്പെട്ട ഫലസ്തീനികളുടെ എണ്ണം സാധാരണക്കാരും തീവ്രവാദികളും ഉൾപ്പെടെ 17 ആയി ഉയർന്നു.

Story Highlights: Palestinian teacher shot while giving first aid to militant