പരുക്ക്; ന്യൂസീലൻഡിനെതിരായ ടി-20 പരമ്പരയിൽ നിന്ന് ഋതുരാജ് ഗെയ്ക്വാദ് പുറത്ത്

ന്യൂസീലൻഡിനെതിരായ ടി-20 പരമ്പരയിൽ നിന്ന് ഋതുരാജ് ഗെയ്ക്വാദ് പുറത്ത്. കൈക്കുഴക്കേറ്റ പരുക്കിനെ തുടർന്നാണ് മൂന്ന് മത്സരങ്ങളടങ്ങിയ പരമ്പരയിൽ നിന്ന് ഗെയ്ക്വാദ് പുറത്തായത്. 25 വയസുകാരനായ താരം ദേശീയ ക്രിക്കറ്റ് അക്കാദമിയിൽ പരിശീലനത്തിലാണ്. നാളെ മുതലാണ് ടി-20 പരമ്പര ആരംഭിക്കുക.

ഹൈദരാബാദിനെതിരായ രഞ്ജി ട്രോഫി മത്സരത്തിലാണ് ഗെയ്ക്വാദ് ആദ്യം കളിച്ചത്. ഈ മത്സരത്തിനു ശേഷം കൈക്കുഴക്ക് വേദനയുണ്ടെന്ന് ഋതുരാജ് ബിസിസിഐയെ അറിയിച്ചിരുന്നു. കഴിഞ്ഞ വർഷം ശ്രീലങ്കക്കെതിരായ ടി-20 മത്സരവും സമാന പരുക്കിനെ തുടർന്ന് ഋതുരാജിനു നഷ്ടപ്പെട്ടിരുന്നു.

Story Highlights: injury ruturaj gaikwad newzealand