ശാരദ ചിട്ടി തട്ടിപ്പ്: നളിനി ചിദംബരത്തിന്റെ ആസ്തികള്‍ ഇ ഡി കണ്ടുകെട്ടി

ശാരദ ചിട്ടി തട്ടിപ്പ് കേസില്‍ കോണ്‍ഗ്രസ് നേതാവ് പി ചിദംബരത്തിന്റെ ഭാര്യ നളിനി ചിദംബരത്തിന്റെ ആസ്തികള്‍ കണ്ടുകെട്ടി. എന്‍ഫോഴ്‌സ്‌മെന്റ് ഡയറക്ടറേറ്റാണ് നടപടി സ്വീകരിച്ചത്. നളിനിയുടെ സ്വത്തുവകകള്‍ കണ്ടുകെട്ടുമെന്ന് ഇ ഡി മുന്‍പേ പ്രഖ്യാപിച്ചിരുന്നുവെങ്കിലും കേസിലെ സുപ്രിംകോടതി ഇടപെടലിന്റെ പശ്ചാത്തലത്തില്‍ കൂടിയാണ് നടപടി വൈകിയത്. നടപടികള്‍ വൈകുന്നതിനെക്കുറിച്ച് കഴിഞ്ഞ ദിവസം സുപ്രിംകോടതി തന്നെ ചോദിച്ചതിന് പിന്നാലെയാണ് ഇപ്പോള്‍ സ്വത്തുക്കള്‍ കണ്ടുകെട്ടലിലേക്ക് ഇ ഡി കടന്നത്. (assets of nalini chidambaram seized says ed in sharada money fraud case)

നളിനി ചിദംബരത്തിന്റേയും മുന്‍ സിപിഐഎം എംഎല്‍എ ദേവേന്ദ്രനാഥ് ബിശ്വാസിന്റേയും അസം മന്ത്രി അഞ്ജാന്‍ ദത്തയുടേയും 6 കോടിയോളം വില വരുന്ന സ്വത്തുക്കള്‍ കണ്ടുകെട്ടുമെന്നാണ് എന്‍ഫോഴ്‌സ്‌മെന്റ് ഡയറക്ടറേറ്റ് പ്രഖ്യാപിച്ചിരിക്കുന്നത്. പശ്ചിമബംഗാള്‍, അസം, ഒഡിഷ സംസ്ഥാനങ്ങളില്‍ ശാരദ ഗ്രൂപ്പ് 2013 വരെയാണ് ചിട്ടി തട്ടിപ്പ് നടത്തിയത്.

Read Also: ‘കേരളം കടക്കെണിയിൽ അല്ല, കേന്ദ്ര ധനനയം സംസ്ഥാന വളർച്ചയെ തടയുന്നു’; കേന്ദ്രസർക്കാരിനെതിരെ രൂക്ഷ വിമർശനവുമായി ധനമന്ത്രി

കേസുമായി ബന്ധപ്പെട്ട് ഇതുവരെ 600 കോടി രൂപയുടെ സ്വത്തുക്കളാണ് കണ്ടുകെട്ടിയിരിക്കുന്നത്. കള്ളപ്പണം വെളുപ്പിക്കല്‍ നിരോധന നിയമപ്രകാരമാണ് നടപടികള്‍ നടക്കുന്നത്.

Story Highlights: assets of nalini chidambaram seized says ed in sharada money fraud case