വീട് നിർമ്മാണത്തിനിടെ പാമ്പുകടിയേറ്റ് ബീഹാർ സ്വദേശി മരിച്ചു

വീട് നിർമ്മാണത്തിനിടെ പാമ്പുകടിയേറ്റ് ചികിത്സയിലായിരുന്ന ബീഹാർ സ്വദേശി മരിച്ചു. ബീഹാർ വെസ്റ്റ് ചമ്പാരൻ ദൂംനഗറിൽ ഇദ്രിഷ്‌മിയാൻ (37) ആണ് മരിച്ചത്. കഴിഞ്ഞ 27ന് അമ്പലപ്പുഴ ക്ഷേത്രത്തിന് സമീപം ആയി​രുന്നു സംഭവം. ഉടൻ തന്നെ തൊഴിലാളികൾ ചേർന്ന് ഇദ്ദേഹത്തെ ആലപ്പുഴ മെഡി. ആശുപത്രിയിൽ എത്തിച്ചിരുന്നു. ചികിത്സയിലിരിക്കെ വ്യാഴാഴ്ച പുലർച്ചെയാണ് മരിച്ചത്.

കാക്കാഴത്ത് മറ്റ് അന്യസംസ്ഥാന തൊഴിലാളികൾക്കൊപ്പമായി​രുന്നു താമസം. കോട്ടയത്ത് മൃതദേഹം എംബാം ചെയ്ത് ഇന്ന് നെടുമ്പാശേരി എയർപോർട്ടിൽ നിന്നു പാറ്റ്ന വിമാനത്താവളത്തിലെത്തിച്ച് റോഡുമാർഗം വീട്ടിലെത്തിക്കും. ഭാര്യ: കുര്യഷ ഖാത്തുൻ. മക്കൾ: സാഹിൽ, ആലം. പൊതുപ്രവർത്തകരാണ് മൃതദേഹം നാട്ടിലെത്തിക്കാൻ മുൻകൈ എടുത്തത്.

Story Highlights: native of Bihar Dies From Snake Bite