ഇൻസ്റ്റഗ്രാം റീൽ ചെയ്യാൻ കാറിന്റെ സ്റ്റിയറിംഗ് വീൽ വിട്ട് ഡ്രൈവിംഗ്; വിമർശിച്ച് ആളുകൾ

നമ്മുടെ അശ്രദ്ധയോട് കൂടിയുള്ള പ്രവൃത്തികളാണ് മിക്ക ആപത്തുക്കൾക്കും വഴിവെക്കുന്നത്. കാറിന്റെ സ്റ്റിയറിംഗ് വീൽ ഉപേക്ഷിച്ച് ഭാര്യയ്‌ക്കൊപ്പം റീൽ ചെയ്യുന്ന ഒരാളുടെ വീഡിയോയാണ് ഇപ്പോൾ സോഷ്യൽ മീഡിയയിൽ പ്രചരിക്കുന്നത്. തന്റെ മഹീന്ദ്ര XUV 700-ൽ സ്ഥാപിച്ചിട്ടുള്ള അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റംസ് (ADAS) ദുരുപയോഗം ചെയ്താണ് ഡ്രൈവിങ്. വിഡിയോ പ്രചരിച്ചതിന് ശേഷം നിരവധി പേരാണ് വിമർശിച്ച് രംഗത്തെത്തിയത്. ( Man leaves car’s steering wheel while driving )

Just randomly happened to come across a reel !!

Trust,me you would not see such a bizarre & moronic stuff related to Automobile stuff !!

Unreal just for reel @anandmahindra @MahindraXUV700

it’s a travesty that we have to share roads with people like these

This is just insane… https://t.co/WOmgtvtVdb pic.twitter.com/jZhkX6YKIO

— Xroaders (@Xroaders_001) March 11, 2023

ട്വിറ്ററിൽ എക്‌സ്‌റോഡേഴ്‌സ് എന്ന പേജ് പങ്കിട്ട വിഡിയോയാണ് ഇപ്പോൾ വൈറലായിരിക്കുന്നത്. വാഹനം ഓടിക്കുന്നയാൾ റീൽ നിർമ്മിക്കാൻ വേണ്ടി സ്റ്റിയറിംഗ് വീൽ വിടുന്നത് വിഡിയോയിൽ കാണാം. മഹീന്ദ്ര XUV 700-ൽ സ്ഥാപിച്ച ADAS അപകടകരമായ രീതിയിൽ ഉപയോഗിച്ചാണ് ഇത്തരം ഒരു പ്രവൃത്തിക്ക് മുതിർന്നത്.

ഹ്യൂമൻ-മെഷീൻ ഇന്റർഫേസിലൂടെ സുരക്ഷിതമായി ഡ്രൈവിംഗിലും പാർക്കിംഗിലും സഹായിക്കാൻ രൂപകൽപ്പന ചെയ്‌തിരിക്കുന്ന ഒരു കൂട്ടം ഇലക്ട്രോണിക് സാങ്കേതികവിദ്യകളാണ് ADAS. റോഡപകടങ്ങളുടെ എണ്ണം കുറയ്ക്കുന്നതിലൂടെ മരണങ്ങളും പരിക്കുകളും തടയുക എന്നതും ADAS ന്റെ ദൗത്യമാണ്. എന്നാൽ ഈ വീഡിയോയ്ക്ക് താഴെ നിരവധി പേരാണ് വാഹനം ഓടിച്ച ആളെയും പ്രവർത്തിയെയും വിമർശിച്ച് രംഗത്തെത്തിയിരിക്കുകയാണ്.

Story Highlights :