‘ബ്രഹ്മപുരം തീ’, മൗനം വെടിയാന്‍ മുഖ്യമന്ത്രി; നാളെ നിയമസഭയില്‍ പ്രസ്താവന നടത്തും

എറണാകുളത്തെ വിഷപ്പുകയിൽ മൂടിയ ബ്രഹ്മപുരം തീപിടിത്തത്തിൽ മുഖ്യമന്ത്രി പിണറായി വിജയൻ മൗനം വെടിയുന്നു. ചട്ടം 300 പ്രകാരം നാളെ മുഖ്യമന്ത്രി നിയമസഭയില്‍ പ്രത്യേക പ്രസ്താവന നടത്തും. 12 ദിവസം നീണ്ടു നിന്ന ശ്രമത്തിനൊടുവില്‍ തീ പൂര്‍ണമായി കെടുത്തിയതിന് പിന്നാലെയാണ് മുഖ്യമന്ത്രി പ്രതികരണം നടത്താനൊരുങ്ങുന്നത്.

തീയണയ്ക്കാന്‍ പരിശ്രമിച്ച അഗ്നിരക്ഷാ സേനാംഗങ്ങളെ മുഖ്യമന്ത്രി കഴിഞ്ഞ ദിവസം അഭിനന്ദിച്ചിരുന്നു. പക്ഷേ കൂടുതൽ ഒന്നും പ്രതികരിക്കാൻ അദ്ദേഹം തയ്യാറായിരുന്നില്ല. നിയമസഭയില്‍ പ്രതിപക്ഷം വിഷയം ഉയര്‍ത്തി രൂക്ഷ വിമര്‍ശനം ഉന്നയിച്ചിരുന്നു. വിഷയത്തിൽ നിന്നും മുഖ്യമന്ത്രി ഒളിച്ചോടുകയാണെന്നാണ് പ്രതിപക്ഷ ആരോപണം.

Story Highlights: Brahmapuram fire; Pinarayi Vijayan to Break his Silence