സ്വകാര്യ ബസുകളുടെ അനധികൃത യാത്ര നിയന്ത്രിക്കാൻ ടിക്കറ്റ് നിരക്കിൽ ഇളവുമായി കെഎസ്ആർടിസി

സ്വകാര്യ ബസുകളുടെ അനധികൃത യാത്ര നിയന്ത്രിക്കാനായി ടിക്കറ്റ് നിരക്കിൽ ഇളവുമായി കെഎസ്ആർടിസി രം​ഗത്ത്. 140 കിലോമീറ്ററിന് മുകളിൽ പുതുതായി ആരംഭിച്ച ടേക്ക് ഓവർ ബസുകളിലാണ് ഇളവ് അനുവദിച്ചത്. ടേക്ക് ഓവർ സർവീസുകൾക്ക് 30 ശതമാനം നിരക്ക് ഇളവ് പ്രഖ്യാപിച്ചിട്ടുണ്ട്. ( KSRTC with discount on ticket price ).

Read Also: കെഎസ്ആർടിസി ഡിപ്പോകളിലെ നവീകരിച്ച 72 ടോയിലറ്റുകളുൾ; യാത്രക്കാർക്ക് തുറന്നുകൊടുത്തത് മന്ത്രി ആന്റണി ​രാജു

കെഎസ്ആർടിസി ഓപ്പറേറ്റ് ചെയ്തു വരുന്ന ദീർഘദൂര സർവീസുകൾക്കൊപ്പം എല്ലാം നിയമങ്ങളും ലംഘിച്ച് അനധികൃതമായി സ്വകാര്യ ബസുകൾ സർവീസുകൾ നടത്തുകയാണെന്ന് ആക്ഷേപം ഉയർന്നിരുന്നു. ഇതിന്റെ അടിസ്ഥാനത്തിലാണ് കെഎസ്ആർടിസി നിരക്ക് ഇളവ് പ്രഖ്യാപിച്ചത്.

അം​ഗീകൃത നിക്കറ്റ് നിരക്കുകൾ പാലിക്കാതെ അനധികൃതമായി കെഎസ്ആർടിസി ബസുകൾക്ക് മുന്നിലായാണ് പ്രൈവറ്റ് ബസുകൾ നിലവിൽ സർവീസ് നടത്തുന്നത്. ഈ സാഹചര്യത്തിലാണ് യാത്രക്കാർക്ക് ​ഗുണകരമാകുന്നതിനും കടുത്ത നഷ്ടം ഒഴിവാക്കുന്നതിനുമായി 140 കിലോമീറ്ററിന് മുകളിലായി പുതുതായി ടേക്ക് ഓവർ സർവീസുകൾ ആരംഭിച്ചത്.

Story Highlights: KSRTC with discount on ticket price