കോളജിൽ ഫോൺ കൊണ്ടുവന്നതിന് ശകാരം; മാനേജരെ വെടിവച്ചു; ബിരുദ വിദ്യാർത്ഥിക്കായി തെരച്ചിൽ

കോളജിൽ ഫോൺ കൊണ്ടുവന്നതിനു ശകാരിച്ച കോളജ് മാനേജരെ വെടിവച്ച് ബിരുദ വിദ്യാർത്ഥി. മൂന്നാം വർഷ ബി ഫാം വിദ്യാർത്ഥിയായ പ്രതി ഒളിവിലാണ്. ഇയാൾക്കായി തെരച്ചിൽ നടക്കുകയാണ്.

ഉത്തർ പ്രദേശിലെ ബറേലി ബോജിപുരയിലാണ് സംഭവം. മൂന്നാം വർഷ ബിഫാം വിദ്യാർഥിയായ ശ്രേഷ്ഠ സൈനി കോളജ് മാനേജർ അഭിഷേക് അഗർവാളിനെ വെടിവെക്കുകയായിരുന്നു. ദിവസങ്ങൾക്കു മുൻപ് കോളജിൽ മൊബൈൽ ഫോൺ കൊണ്ടുവന്നതിന് സൈനിയെ സസ്പൻഡ് ചെയ്തിരുന്നു. സസ്പൻഷൻ കഴിഞ്ഞും വിദ്യാർത്ഥി ഫോണുമായി കോളജിലെത്തി. ഇത് ശ്രദ്ധിച്ച മാനേജർ വിദ്യാർത്ഥിയെ ശകാരിച്ചു. ഇതോടെ മാനേജറുടെ മുറിയിൽ പ്രവേശിച്ച് സൈനി വെടിയുതിർക്കുകയായിരുന്നു. ഗുരുതരാവസ്ഥയിലായ മാനേജർ അഭിഷേക് അഗർവാൾ ആശുപത്രിയിൽ ചികിത്സയിലാണ്.

Story Highlights: student shot college manager mobile phone