ആ പഴയ ആറാം ക്ലാസുകാരന്‍ ഇന്ന് രാജ്യത്തിന്റെ ഉപരാഷ്ട്രപതിയാണ്, എങ്കിലും രത്‌ന ടീച്ചറെ മറന്നില്ല, അധ്യാപികയെ കാണാന്‍ കണ്ണൂരിലേക്ക്…
4 minutes Read
തന്റെ അധ്യാപികയെ കാണാന്‍ ഉപരാഷ്ട്രപതി ജഗദീപ് ധന്‍കര്‍ വരുന്ന തിങ്കളാഴ്ച കണ്ണൂരിലെത്തും. സ്‌കൂളില്‍ കണക്ക് പഠിപ്പിച്ച രത്‌ന ടീച്ചറെ കാണാനാണ് ഉപരാഷ്ട്രപതി പാനൂര്‍ ചമ്പാട് എത്തുന്നത്. രാജസ്ഥാനിലെ സൈനിക് സ്‌കൂളിലാണ് ഉപരാഷ്ട്രപതിയെ അധ്യാപിക രത്‌ന നായര്‍ പഠിപ്പിച്ചത്. (Jagdeep Dhankhar will come to Kannur to meet his old teacher)
കണ്ണൂര്‍ പാനൂരിലെ വീട്ടില്‍ വിശ്രമ ജീവിതം നയിക്കുകയാണ് സൈനിക സ്‌കൂളില്‍ നിന്ന് വിരമിച്ച രത്‌ന നായര്‍. രാജസ്ഥാനിലെ ചിറ്റഗോര്‍ഗ്രാ സൈനിക സ്‌കൂളില്‍ വര്‍ഷങ്ങളോളം സേവനം ചെയ്തു. അനവധി വിദ്യാര്‍ത്ഥികളുടെ ഗുരുനാഥ. റസിഡന്‍ഷ്യല്‍ സ്‌കൂളില്‍ ആറാം ക്ലാസ് മുതല്‍ 12 വരെ പഠിച്ച ജഗദീപ് ധന്‍കര്‍ ഒടുവില്‍ രാജ്യത്തിന്റെ ഉപരാഷ്ട്രപതി പദവിയില്‍ എത്തി. പതിറ്റാണ്ടുകള്‍ക്ക് ഇപ്പുറം അന്നത്തെ സ്‌നേഹവും കരുതലും മറക്കാത്ത മനസുമായി തന്റെ അധ്യാപികയെ തേടി ധന്‍കര്‍ വീണ്ടുമെത്തുന്നു.
Read Also: കന്നഡനാടിനെ പൊന്നാക്കി രാഹുല്‍; പ്രചാരണത്തിലാകെ ഉയര്‍ത്തിയത് പ്രാദേശിക ജനവിഷയങ്ങള്‍
1968ല്‍ സ്‌കൂള്‍ വിട്ട ധന്‍കര്‍ മാതൃതുല്യമായ സ്‌നേഹം പകര്‍ന്നിരുന്ന അധ്യാപികയുമായി പഴയ ഊഷ്മളതയോടെ ബന്ധം തുടര്‍ന്നു. തന്റെ കണക്ക് ടീച്ചറെ തേടി ധന്‍കര്‍ പാനൂര്‍ ചമ്പാട്, തിങ്കളാഴ്ച വീണ്ടുമെത്തും. 83 കാരിയായ രത്‌ന ടീച്ചര്‍ക്ക് പഴയ ക്ലാസ് മുറിയിലെ മിടുക്കനായ വിദ്യാര്‍ത്ഥിയാണ് രാജ്യത്തിന്റെ ഉപരാഷ്ട്രപതി. എല്ലാ നേട്ടങ്ങള്‍ക്കിടെയും അധ്യാപികയെ ഓര്‍ക്കാന്‍ ശിഷ്യനും മറന്നില്ല.
Story Highlights: Jagdeep Dhankhar will come to Kannur to meet his old teacher
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English