ഭർത്താവിന്റെ പേര് നെറ്റിയിൽ പച്ച കുത്തി യുവതി; വിഡിയോ

പലരും പങ്കാളിയുടെ പേര് ശരീരത്തിൽ പച്ചകുത്താറുണ്ട്. പങ്കാളിയോടുള്ള അമിത സ്‌നേഹമാണ് ഈ സാഹസത്തിലേക്ക് പലരേയും നയിക്കുന്നത്. സ്‌നേഹം പ്രകടിപ്പിക്കേണ്ടത് ഇങ്ങനെയാണോ അല്ലെയോ എന്നുള്ള വാദപ്രതിവാദങ്ങൾ ഒരു വശത്ത് നടക്കുന്നതിനിടെ ഇതിന്റെ ഒരുപടി കൂടി കടന്നിരിക്കുകയാണ് ബംഗളൂരു സ്വദേശിനിയായ യുവതി. സ്വന്തം നെറ്റിയിൽ ഭർത്താവിന്റെ പേര് പച്ചകുത്തിയിരിക്കുകയാണ് യുവതി. ( Bengaluru Woman Gets Husband Name Tattooed On Forehead )

ബംഗളൂരുവിലെ യുവതി ഭർത്താവിന്റെ പേരായ ‘സതീഷ്’ എന്നാണ് നെറ്റിയിൽ പച്ച കുത്തിയിരിക്കുന്നത്. ബംഗളൂരുവിലെ കിംഗ് മേക്കർ ടാറ്റൂ സ്റ്റുഡിയോയിലായിരുന്നു സംഭവം. ടാറ്റൂ സ്റ്റുഡിയോ തന്നെ ഇൻസ്റ്റഗ്രാം പേജിലൂടെ വിഡിയോ പങ്കുവച്ചിട്ടുണ്ട്.

View this post on Instagram

A post shared by king_maker_tattoo_studio 🇮🇳 (@king_maker_tattoo_studio)

വിഡിയോ പുറത്ത് വന്നതോടെ വിമർശനങ്ങളുടെ പെരുമഴയായി. സ്‌നേഹം ഇങ്ങനെയല്ല തെളിയിക്കേണ്ടതെന്നും, വിവേകത്തിന്റെ ആദരാഞ്ജലിയെന്നുമൊക്കെ കമന്റുകൾ നിറയുകയാണ്. വിഡിയോ എന്തായാലും സമൂഹമാധ്യമങ്ങളിൽ വൈറലാണ്.

Story Highlights: Bengaluru Woman Gets Husband Name Tattooed On Forehead