ഉംറയ്ക്കെത്തിയ സിംഗപ്പൂർ സ്വദേശിയായ വിദേശ വനിതയ്ക്ക് മക്കയിൽ സുഖപ്രസവം

ഉംറ നിർവഹിക്കാനെത്തിയ സിംഗപ്പൂർ യുവതി മക്കയിൽ ആൺകുഞ്ഞിന് ജന്മം നൽകി. പ്രസവം സാധാരണ നിലയിലാണെന്നും അമ്മയും കുഞ്ഞും സുഖമായിരിക്കുന്നതായും മെഡിക്കൽ വൃത്തങ്ങൾ അറിയിച്ചു.(Singaporean Umrah pilgrim gives birth to baby boy in Makkah)

സിംഗപ്പൂരില്‍ നിന്നെത്തിയ മുപ്പത് വയസുകാരിയാണ് ഹറം പള്ളിയിലെ എമര്‍ജന്‍സി സെന്ററില്‍ കുഞ്ഞിന് ജന്മം നല്‍കിയത്. ഒന്‍പത് മാസം ഗര്‍ഭിണിയായിരുന്ന യുവതിക്ക് മസ്‍ജിദുല്‍ ഹറമില്‍ വെച്ച് പ്രസവ വേദന ആരംഭിക്കുകയായിരുന്നു.

Read Also: തീപിടുത്തം സർക്കാരിന്റെ സ്ഥിരം പരിപാടി; രേഖകൾ നശിപ്പിക്കാനുള്ള തന്ത്രമെന്ന് വി ഡി സതീശൻ

ഉടന്‍ തന്നെ ഹറം എമര്‍ജന്‍സി സെന്ററിലെ മെഡിക്കല്‍ സംഘം ഇവര്‍ക്ക് ആവശ്യമായ പരിചരണമൊരുക്കി. അധികം വൈകാതെ തന്നെ സാധാരണ പ്രസവത്തില്‍ യുവതി കുഞ്ഞിന് ജന്മം നല്‍കുകയും ചെയ്‍തു. പിന്നീട് തുടര്‍ പരിചരണത്തിനായി അമ്മയെയും കുഞ്ഞിനെയും മെറ്റേണിറ്റി ആന്റ് ചില്‍ഡ്രന്‍സ് ആശുപത്രിയിലേക്ക് മാറ്റി. അമ്മയ്ക്കും കുഞ്ഞിനും മറ്റ് ആരോഗ്യ പ്രശ്നങ്ങളൊന്നുമില്ലെന്ന് അധികൃതര്‍ അറിയിച്ചു.

Story Highlights: Singaporean Umrah pilgrim gives birth to baby boy in Makkah