തൃശൂരിൽ ഇന്നും കോൺഗ്രസ് ഗ്രൂപ്പ് യോഗം

തൃശൂരിൽ ഇന്നും കോൺഗ്രസ് ഗ്രൂപ്പ് യോഗം നടന്നു. സുധാകരപക്ഷവും യോഗം ചേർന്നു. കെപിസിസി ജനറൽ സെക്രട്ടറി പത്മജ വേണുഗോപാലിന്റെ വസതിയായ മുരളീ മന്ദിരത്തിലായിരുന്നു യോഗം. യൂത്ത് കോൺഗ്രസ്‌ സംഘടനാ തെരഞ്ഞെടുപ്പായിരുന്നു മുഖ്യ അജണ്ട. ആരൊക്കെ മത്സരിക്കണമെന്നതും സുധാകര പക്ഷത്തിന് വിജയം ഉറപ്പിക്കുന്ന രീതിയിൽ മെമ്പർഷിപ്പ് ചേർക്കുന്നതും യോഗത്തിൽ ധാരണയായി.

കെപിസിസി സെക്രട്ടറിമാരായ സുനിൽ അന്തിക്കാട്, സി എസ് ശ്രീനിവാസൻ, മുൻ മേയർ ഐ പി പോൾ എന്നിവരുടെ നേതൃത്വത്തിലാണ് യോഗം നടന്നത്. ഇന്നലെ എഐസിസി അംഗം അനിൽ അക്കരയുടെ നേതൃത്വത്തിൽ കെ സി വേണുഗോപാൽ പക്ഷവും യോഗം ചേർന്നിരുന്നു.

Story Highlights: congress group meeting today