പ്രധാനമന്ത്രിയുടെ വസതിക്ക് മുകളിൽ ഡ്രോൺ; അന്വേഷണം ആരംഭിച്ച് പൊലീസ്

പ്രധാനമന്ത്രി നരേന്ദ്ര മോദിയുടെ വസതിക്ക് മുകളിലൂടെ അജ്ഞാത ഡ്രോൺ പറന്നതായി റിപ്പോർട്ട്. മോദിയുടെ ഡൽഹിയിലെ വസതിക്ക് മുകളിലൂടെ ഇന്ന് പുലർച്ചെയാണ് ഡ്രോൺ പറന്നത്. സംഭവത്തിൽ ഡൽഹി പൊലീസ് അന്വേഷണം ആരംഭിച്ചു.

നോ-ഫ്ലൈ സോണിൽ ഉൾപ്പെടുന്ന മേഖലയിലാണ് പ്രധാനമന്ത്രിയുടെ വസതി സ്ഥിതി ചെയ്യുന്നത്. ഈ വസതിക്ക് മുകളിലാണ് ഡ്രോൺ പറക്കുന്നത് ശ്രദ്ധയിൽപ്പെടുന്നത്. പ്രധാനമന്ത്രിയുടെ വസതിക്ക് മുകളിൽ പുലർച്ചെ അഞ്ച് മണിയോടെയാണ് ഡ്രോൺ കണ്ടത്. അതേസമയം പൊലീസും മറ്റ് സുരക്ഷാ ഏജൻസികളും ഇതുവരെ സംശയാസ്പദമായ ഒന്നും കണ്ടെത്തിയിട്ടില്ല.

Story Highlights: Drone Spotted Over PM Modi’s Residence, Delhi Cops Launch Probe