തന്റെ പുറകേ ഓടുന്ന എസ്എഫ്ഐക്കാർ കുരങ്ങന്മാരെ പോലെ; കരിങ്കൊടി പ്രതിഷേധത്തെ പരിഹസിച്ച് ​ഗവർണർ ആരിഫ് മുഹമ്മദ് ഖാൻ

തന്റെ പുറകെ ഓടുന്ന എസ്എഫ്ഐക്കാർ കുരങ്ങന്മാരെ പോലെയാണെന്ന പരാമർശവുമായി ​ഗവർണർ ആരിഫ് മുഹമ്മദ് ഖാൻ രം​ഗത്ത്.
എസ്എഫ്ഐയുടെ ഇത്തരം പ്രതിഷേധങ്ങളോട് താൻ ഇങ്ങനെയല്ലാതെ എങ്ങനെ പ്രതികരിക്കണം. അവരോട് സഹതപിക്കാൻ മാത്രമേ തനിക്ക് കഴിയൂ. കുരങ്ങന്മാരെ പോലെ അവർ റോഡിൽ പെരുമാറുമ്പോൾ സഹതപിക്കുകയല്ലാതെ എന്താണ് ചെയ്യുകയെന്നും ​ഗവർണർ പരിഹസിച്ചു.

Read Also: ‘മോദി ഭയന്നിരിക്കുകയാണ്, കുറച്ചു ദിവസങ്ങൾ കഴിഞ്ഞാൽ പൊട്ടിക്കരയും’; രാഹുൽ ഗാന്ധി

പാലക്കാട് നഗരത്തില്‍ സ്വകാര്യ പരിപാടിയില്‍ പങ്കെടുക്കാന്‍ എത്തിയ ഗവര്‍ണര്‍ ആരിഫ് മുഹമ്മദ് ഖാനെതിരെ എസ്എഫ്ഐയുടെ കരിങ്കൊടി പ്രതിഷേധം ഉണ്ടായിരുന്നു. ഗസ്റ്റ് ഹൗസിലേക്ക് പോകും വഴിയാണ് ഗവര്‍ണറെ കരിങ്കൊടി കാണിച്ചത്. കരിങ്കൊടികളുമായി പ്രതിഷേധിച്ച എസ്എഫ്‌ഐക്കാരെ പൊലീസ് അറസ്റ്റ് ചെയ്തു നീക്കി. ഈ സംഭവത്തിന് ശേഷം പ്രതികരിക്കവേയാണ് എസ്എഫ്ഐക്കാർ കുരങ്ങന്മാരെ പോലെയാണെന്ന പരാമർശം ​ഗവർണർ നടത്തിയത്.

തിരുവനന്തപുരത്ത് നിന്ന് കോയമ്പത്തൂര്‍ വിമാനത്താവളത്തില്‍ എത്തിയ ഗവര്‍ണര്‍, റോഡുമാര്‍ഗമാണ് പാലക്കാട്ടേക്ക് വന്നത്. ജില്ലാ പൊലീസ് കനത്ത സുരക്ഷാ സംവിധാനങ്ങളാണ് ഗവര്‍ണര്‍ക്ക് വേണ്ടി ഒരുക്കിയിരുന്നത്. ഗവ. ഗസ്റ്റ് ഹൗസിലേക്ക് എത്തുന്നതിനിടെ വൈകുന്നേരം നാലരയോടെയാണ് ഐ.എം.എ ജം​ഗ്ഷനില്‍ വെച്ച് എസ്എഫ്‌ഐക്കാര്‍ കരിങ്കൊടികളുമായി എത്തിയത്. തുടര്‍ന്ന് മുദ്രാവാക്യം വിളികളുമായി ഗവര്‍ണറെ എസ്എഫ്‌ഐക്കാര്‍ കരിങ്കൊടി കാണിക്കുകയായിരുന്നു.

Story Highlights : Suresh Gopi Wealth Report BJP candidate Thrissur