ചെന്നൈയിൽ ട്രെയിനിൽ കടത്തിയ 4 കോടി രൂപ പിടിച്ചെടുത്തു; BJP പ്രവർത്തകൻ ഉൾപ്പെടെ മൂന്നു പേർ അറസ്റ്റിൽ

ചെന്നൈയിൽ ട്രെയിനിൽ കടത്തിയ 4 കോടി രൂപ പിടിച്ചെടുത്തു. സംഭവത്തിൽ തിരുനെൽവേലി ബിജെപിയുടെ സ്ഥാനാർഥി നൈനാർ നാഗേന്ദ്രൻ്റെ ബന്ധു ഉൾപ്പെടെ 3 പേർ അറസ്റ്റിലായി. തിരുനെൽവേലി എക്‌സ്പ്രസ് ട്രെയിനിൽ നിന്നാണ് പണം പിടികൂടിയത്. രഹസ്യ വിവരത്തിൻ്റെ അടിസ്ഥാനത്തിൽ ഇലക്ഷൻ ഫ്‌ളയിംഗ് സ്‌ക്വാഡ് ഉദ്യോഗസ്ഥർ പരിശോധന നടത്തുന്നതിനിടെയാണ് പണം പിടികൂടിയത്.

സതീഷ് (33), നവീൻ (31), പെരമാൾ (25) എന്നിവരാണ് പിടിയിലായത്. സതീഷ് ബിജെപി പ്രവർത്തകൻ കൂടിയാണ്. ട്രെയിനിന്റെ എസി കംപാർട്ട്മെന്റിൽ നിന്ന് ആറ് ബാ​ഗുകളിലായി സൂക്ഷിച്ചിരുന്ന പണം കണ്ടെടുക്കുകയായിരുന്നു. പിടിച്ചെടുത്ത പണം വോട്ടർമാർക്ക് വിതരണം ചെയ്യാൻ കൊണ്ടുപോയതെന്ന് സംശയം. മൂന്നുപേരും നൈനാർ നാഗേന്ദ്രൻ്റെ ഹോട്ടലിൻ്റെ ജീവനക്കാരെന്ന് പൊലീസ് പറഞ്ഞു.

Story Highlights : 4 Crore seized by train in Chennai 3 arrested