ഷിരൂരിൽ തിരച്ചിലിനിടെ അസ്ഥിഭാ​ഗം കണ്ടെത്തി; മനുഷ്യന്റേതെന്ന് സംശയം

ഷിരൂരിൽ തിരച്ചിലിനിടെ അസ്ഥിഭാ​ഗം കണ്ടെത്തി. ഡ്രഡ്ജർ ഉപയോ​ഗിച്ച് നടത്തിയ തിരിച്ചിലിലാണ് അസ്ഥിഭാ​ഗം കണ്ടെത്തിയത്. കാർവാർ എംഎൽഎ സതീഷ് കൃഷ്ണ സെയിൽ ഉൾപ്പെടെ സ്ഥലത്തെത്തി. വൈകുന്നേരമാണ് അസ്ഥിഭാ​ഗം കണ്ടെത്തിയത്. ‍ഡ്രഡ്ജറിൽ കോരിയെടുത്ത മണ്ണ് കോരിയെടുക്കുന്നതിനിടെയാണ് അസ്ഥിഭാ​ഗം കിട്ടിയത്.

കണ്ടെത്തിയ അസ്ഥിഭാ​ഗം മുനുഷ്യന്റേതെന്ന് സംശയം. ശാസ്ത്രീയമായ പരിശോധന ആവശ്യമാണ്. നിലവിൽ അസ്ഥി പൊലീസ് സ്റ്റേഷനിലേക്ക് മാറ്റി. ഇന്നത്തെ തിരച്ചിൽ അവസാനിപ്പിക്കുന്നതിന് മുൻപാണ് അസ്ഥിഭാ​ഗം കിട്ടിയത്. തുടർന്ന് കരയിലേക്കെത്തിച്ച് ജില്ലാ ഭരണകൂടത്തെ ഉൾപ്പെടെ അറിയിക്കുകയായിരുന്നു. കൈയുടെ ഭാ​ഗമാണ് അസ്ഥിയെന്ന സംശയവും ഉയരുന്നുണ്ട്. ഷിരൂരിൽ അർജുൻ ഉൾപ്പെടെ മൂന്ന് പേരെയാണ് കണ്ടെത്താനുള്ളത്.

Story Highlights : Bone part found during search in Shirur