ട്വന്റിഫോർ എക്സിക്യൂട്ടീവ് എഡിറ്റർ കെ ആർ ഗോപികൃഷ്ണന് വയലാർ ഗാന്ധിഭവൻ മാധ്യമ പുരസ്കാരം

വയലാർ ഗാന്ധിഭവൻ മാധ്യമ പുരസ്കാരങ്ങൾ പ്രഖ്യാപിച്ചു. മാധ്യമ മേഖലയിലെ സമഗ്ര സംഭവയ്ക്കുള്ള പുരസ്കാരം ട്വന്റി ഫോർ എക്സിക്യൂട്ടീവ് എഡിറ്റർ കെ ആർ ഗോപികൃഷ്ണന് ലഭിച്ചു. ഡിസംബർ 18ന് നടക്കുന്ന ചടങ്ങിൽ സാംസ്കാരിക മന്ത്രി സജി ചെറിയാൻ പുരസ്കാരം വിതരണം ചെയ്യും.

കഴിഞ്ഞ 20 വർഷത്തിലധികമായി മലയാളം മാധ്യമ മേഖലയിലെ സാന്നിധ്യം പരിഗണിച്ചാണ് സമഗ്ര സംഭാവനയ്ക്കുള്ള പുരസ്കാരത്തിന് ട്വന്റി ഫോർ എക്സിക്യൂട്ടീവ് എഡിറ്റർ കെ ആർ ഗോപികൃഷ്ണനെ തിരഞ്ഞെടുത്തത്. കൈരളി ന്യൂസിലെ എൻ പി ചന്ദ്രശേഖരനും സമഗ്ര സംഭാവനയ്ക്കുള്ള പുരസ്കാരത്തിന് അർഹനായി. മികച്ച സാമൂഹിക പ്രതിബദ്ധതയുള്ള റിപ്പോർട്ടിന് മാതൃഭൂമി ന്യൂസിലെ എ കെ സ്റ്റെഫിനും പുരസ്കാരമുണ്ട്. ഡിസംബർ 18ന് തിരുവനന്തപുരം ഭാരത് ഭവനിൽ വച്ച് നടക്കുന്ന ചടങ്ങിൽ സാംസ്കാരിക വകുപ്പ് മന്ത്രി സജി ചെറിയാൻ പുരസ്കാരങ്ങൾ വിതരണം ചെയ്യും. ഗാന്ധിഭവൻ തീയറ്റർ ഇന്ത്യ ഒരുക്കുന്ന രണ്ടാമത് നാടകയാത്രയുടെ ഉദ്ഘാടനവും ചടങ്ങിൽ മന്ത്രി നിർവ്വഹിക്കും. ഡോക്ടർ ജി രാജ്മോഹന്റെ അധ്യക്ഷയിൽ ചേരുന്ന സമ്മേളനത്തിൽ വി കെ പ്രശാന്ത് എംഎൽഎ, ഗാന്ധിഭവൻ ചെയർപേഴ്സൺ ഡോക്ടർ ഷാഹിദാ കമാൽ എന്നിവർ മുഖ്യാതിഥികളാകും.

Story Highlights : 24 Executive Editor KR Gopikrishnan Vayalar Gandhi Bhavan Media Award