പഞ്ചാരക്കൊല്ലിയില് കടുവ ആക്രമണത്തില് കൊല്ലപ്പെട്ട രാധയുടെ കുടുംബത്തിന് അടിയന്തര ധനസഹായം കൈമാറി

വയനാട് മാനന്തവാടി പഞ്ചാരക്കൊല്ലിയില് കടുവ ആക്രമണത്തില് കൊല്ലപ്പെട്ട രാധയുടെ കുടുംബത്തിന് അടിയന്തര ധനസഹായം കൈമാറി. ധനസഹായമായി പ്രഖ്യാപിച്ച 11 ലക്ഷം രൂപയില് അഞ്ച് ലക്ഷം രൂപയാണ് ആദ്യഗഡുവായി ഇന്ന് കൈമാറിയത്. മന്ത്രി ഒ ആര് കേളുവും കളക്ടറുമടക്കമുള്ളവര് രാധയുടെ വീട്ടിലെത്തിയാണ് ധനസഹായം കൈമാറിയത്. (Emergency financial assistance handed over to the family of Radha)
നരഭോജിയായ കടുവയെ പിടികൂടുന്നതിനുള്ള നടപടിക്രമങ്ങളുടെ ഭാഗമായി പ്രദേശത്ത് ബിഎന്എസ്എസ് 163 പ്രകാരം നിരോധനാജ്ഞ പ്രഖ്യാപിച്ചു. നഗരസഭയിലെ പഞ്ചാരക്കൊല്ലി, പിലാക്കാവ്, ജെസി, ചിറക്കര ഡിവിഷനുകളിലാണ് സബ് ഡിവിഷണല് മജിസ്ട്രേറ്റ് നിരോധനാജ്ഞ പ്രഖ്യാപിച്ചത്.
Read Also: ബെംഗളൂരു നഗരത്തില് അരുംകൊല: യുവതിയെ ബലാത്സംഗം ചെയ്ത് കൊലപ്പെടുത്തി മൃതദേഹം ഉപേക്ഷിച്ചു
ഡോ. അരുണ് സക്കറിയയുടെ നേതൃത്വത്തിലുള്ള മൃഗഡോക്ടര്മാരുടെ സംഘത്തെ വയനാട്ടിലേക്ക് അയച്ചിട്ടുണ്ട്. ചെതലത്ത് റേഞ്ചിന്റെ കീഴിലുള്ള ഇരുളം ഫോറസ്റ്റ് സ്റ്റേഷന്റെയും പുല്പ്പള്ളി ഫോറസ്റ്റ് സ്റ്റേഷന്റെയും കീഴിലുള്ള ജീവനക്കാരെയും പ്രദേശത്ത് പ്രത്യേകം നിയോഗിച്ചിട്ടുണ്ട്. പഞ്ചാരക്കൊല്ലിയില് ഒരുക്കിയ ബേസ് ക്യാമ്പില് സുല്ത്താന് ബത്തേരി ആര്ആര്ടി അംഗങ്ങളെകൂടി നിയോഗിച്ചു. നോര്ത്ത് വയനാട് ഡിവിഷനില് നിന്നുള്ള ക്യാമറ ട്രാപ്പുകള് ഇതിനകം സ്ഥാപിച്ചു
നോര്ത്ത് വയനാട് ഡിഎഫ്ഒ മാര്ട്ടിന് ലോവല് ഐഎഫ്എസിനെ ഓപ്പറേഷന് കമാന്ഡറായി ഇന്സിഡന്റ് കമാന്ഡ് രൂപീകരിച്ചു. നോര്ത്തേണ് സര്ക്കിള് സിസിഎഫ് കെ.എസ്.ദീപ ഐഎഫ്എസ് സ്ഥലത്ത് ക്യാമ്പ് ചെയ്യുകയും മുഴുവന് പ്രവര്ത്തനങ്ങളുടെയും മേല്നോട്ടം വഹിക്കുകയും ചെയ്ച്ചുന്നുണ്ട്. പഞ്ചാരക്കൊല്ലി പ്രദേശത്ത് കടുവയെ പിടികൂടുന്നതിനുള്ള കൂടുകള് സ്ഥാപിച്ചു.
Story Highlights : Emergency financial assistance handed over to the family of Radha
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here