തുടർച്ചയായ രണ്ടാം ജയം; കോഴിക്കോട് ഗോകുലത്തിന്റെ വിജയാവേശം

ഹോം ഗ്രൗണ്ടിൽ ഗോകുലത്തിന് തുടർച്ചയായ രണ്ടാം ജയം. കോഴിക്കോട് നടന്ന മത്സരത്തിൽ ബെം​ഗളൂരു എസ് സിയെ തോൽപിച്ചത് എതിരില്ലാത്ത രണ്ട് ഗോളുകൾക്കാണ് പരാജയപ്പെടുത്തിയത്. സ്പാനിഷ് താരം അബലഡയാണ് രണ്ട് ഗോളും നേടിയത്. ആദ്യ പകുതിയിൽ എട്ടാം മിനിറ്റിലും രണ്ടാം പകുതിയിൽ 90-ാം മിനിറ്റിലുമായിരുന്നു അബെലെഡോയുടെ ഗോളുകൾ. 11 മത്സരങ്ങളിൽ നിന്ന് 19 പോയിന്റുമായി ഗോകുലം മൂന്നാം സ്ഥാനത്തേക്ക് എത്തി.

​പോയിന്റ് പട്ടികയിൽ അവസാന സ്ഥാനത്താണ് എസ്‍സി ബെംഗളൂരു. 11 മത്സരം പൂർത്തിയാക്കിയ ​ഗോകുലം രണ്ട് മത്സരങ്ങളിൽ മാത്രമാണ് തോൽവി അറിഞ്ഞിട്ടുള്ളത്. അ‍ഞ്ച് മത്സരങ്ങൾ വിജയിച്ചപ്പോൾ നാല് മത്സരങ്ങൾ സമനിലയിൽ കലാശിച്ചു. 11 മത്സരങ്ങൾ കളിച്ച ബെം​ഗളൂരു രണ്ട് മത്സരങ്ങളിൽ മാത്രമാണ് വിജയം അറിഞ്ഞിട്ടുള്ളൂ.

ടീമിൻ്റെ ഒത്തിണക്കത്തോടെയുള്ള കളിയാണ് തുടർച്ചയായ ജയം സാധ്യമാക്കിയതെന്ന് ഗോകുലം കേരള എഫ് സി ചെയർമാൻ ഗോകുലം ഗോപാലൻ. രണ്ട് തവണ ഐ ലീഗ് കിരീടം ചൂടിയ ഗോകുലം കേരള ഇത്തവണയും ചാമ്പ്യൻമാരാകുമെന്നാണ് പ്രതീക്ഷിക്കുന്നതെന്നും ഗോകുലം ഗോപാലൻ പറഞ്ഞു.

Story Highlights : Bengaluru SC defeated by Gokulam Kerala FC