കെഎസ്ആർടിസി ബസിന് മുൻപിൽ വട്ടം വച്ച്, ഡ്രൈവറെ ഹെൽമറ്റിന് അടിച്ച് ബൈക്ക് യാത്രികൻ

കെഎസ്ആർടിസി ഡ്രൈവറെ ഹെൽമറ്റിന് അടിച്ച് ബൈക്ക് യാത്രികൻ. ഡ്രൈവർ അജിത്തിന്റെ കൈക്ക് പരുക്കേറ്റു. ആലപ്പുഴ മങ്കൊമ്പിൽ ഇന്ന് വൈകിട്ട് മൂന്നരക്കാണ് സംഭവം. ചേർത്തല- എരുമേലി സർവീസ് നടത്തുന്ന കെഎസ്ആർടിസി ബസ്സിനു മുൻപിൽ ബൈക്ക് വട്ടം വച്ചാണ് മർദ്ധിച്ചത്. പരാതിയിൽ പുളിങ്കുന്ന് പൊലീസ് കേസെടുത്തു.

അതേസമയം കെഎസ്ആർടിസി ബസിൽ കഞ്ചാവ് കടത്തിയ യുവതികൾ പൊലീസ് പിടിയിൽ. ഒഡീഷ സ്വദേശികളായ സ്വർണലതയും ഗീതാഞ്ജലി ബഹ്‌റയുമാണ് 7 കിലോ കഞ്ചാവുമായി പെരുമ്പാവൂർ എഎസ്പിയുടെ പ്രത്യേക അന്വേഷണ സംഘവും കാലടി പൊലീസും ചേർന്ന് പുലർച്ചെ നാലുമണിക്ക് പിടികൂടിയത്.

ഇവർക്കൊപ്പമുണ്ടായിരുന്ന നാല് വയസ്സുള്ള ആൺകുട്ടിയെയും പൊലീസ് കസ്റ്റഡിയിലെടുത്തു. മുൻപും കഞ്ചാവ് കടത്തിയിട്ടുള്ള ഇവർ രഹസ്യവിവരത്തെ തുടർന്ന് നിരീക്ഷണത്തിലായിരുന്നു എന്ന് പൊലീസ് അറിയിച്ചു.

Story Highlights : KSRTC Driver attacked in aalapuzha