വാങ്കഡെയിലും മഴഭീഷണി; മുംബൈ ഇന്ത്യന്‍സ്-ഗുജറാത്ത് ടൈറ്റന്‍സ് മത്സരം മഴയില്‍ കുതിരുമോയെന്ന് ആശങ്ക

ഇന്ത്യന്‍ പ്രീമിയര്‍ ലീഗില്‍ ഇന്നലെ സണ്‍റൈസേഴ്‌സ് ഹൈദരാബാദും ഡല്‍ഹി ക്യാപിറ്റല്‍സും തമ്മില്‍ നടന്ന മത്സരം മഴ കാരണം പാതിക്ക് വെച്ച് ഉപേക്ഷിച്ചതിന് പിന്നാലെ മറ്റൊരു നിര്‍ണായക മത്സരവും മഴഭീഷണിയില്‍. ഇന്ന് ഏഴരക്ക് മുംബൈ വാങ്കഡെ സ്റ്റേഡിയത്തില്‍ നടക്കാനിരിക്കുന്ന മുംബൈ ഇന്ത്യന്‍സ്-ഗുജറാത്ത് ടൈറ്റന്‍സ് പോരാട്ടമാണ് മഴ കൊണ്ടുപോകുമോ എന്ന ആശങ്കയില്‍ നില്‍ക്കുന്നത്. ഇതുവരെ പുറത്ത് എത്തിയിട്ടുള്ള കാലാവസ്ഥ റിപ്പോര്‍ട്ട് പ്രകാരം വാങ്കഡെയില്‍ ചൊവ്വാഴ്ചത്തെ ആകാശം മേഘാവൃതമാണ്. ഉച്ചക്ക് ശേഷം മഴയുണ്ടാകുമെന്ന വിവരങ്ങളും റിപ്പോര്‍ട്ടില്‍ ഉണ്ട്. എന്നാല്‍ വൈകുന്നേരമാകുമ്പോഴേക്കും താപനില 27°C വരെ ഉയരുമെന്നും പറയുന്നു. മഴഭീഷണി കളിക്കാര്‍ക്കും ആരാധകര്‍ക്കും ഒരുപോലെ ആശങ്കയായി തുടരുകയാണ്.

Story Highlights: Rain Threatens IPL 2025 Match at Wankhede