നാടിന് സ്വന്തമായി കളിസ്ഥലമൊരുക്കാൻ ഫുട്‍ബോൾ ടൂർണമെന്റുമായി ഒരു ഗ്രാമം

കോട്ടൂളി: നാടിന് സ്വന്തമായൊരു കളിസ്ഥലത്തിനായ് DYFI കോട്ടൂളി മേഖല കമ്മറ്റി സംഘടിപ്പിക്കുന്ന കോട്ടൂളി ലീഗ് ഫുട്ബോളിന്റെ ഏഴാം പതിപ്പിന് തുടക്കമായി. ബഹു: ബാലുശ്ശേരി MLA യും, DYFI സംസ്ഥാന സെക്രട്ടറിയേറ്റ് അംഗവുമായ സച്ചിൻദേവ് ലീഗ് ഫുട്ബോൾ ഉദ്ഘാടനം ചെയ്തു.

Read Also: കോട്ടയം കറുകച്ചാലില്‍ യുവതി വാഹനം ഇടിച്ചു മരിച്ച സംഭവം; കൊലപാതകമെന്ന് സൂചന

കളിസ്ഥലം യഥാർഥ്യമാക്കാൻ പ്രായ, രാഷ്ട്രീയ ഭേദമന്യേ എല്ലാവരും ഒറ്റക്കെട്ടായി ഈ ഫുട്ബോൾ ടൂർണമെന്റിൽ പങ്കെടുക്കുന്നു . 7വയസ്സ് മുതൽ 60വയസ്സിന് മുകളിൽ ഉള്ളവർ വരെ വിവിധ പ്രായ വിഭാഗത്തിലായി ടൂർണമെന്റിന്റെ ഭാഗമാകുന്നുണ്ട്. 9 വർഷമായി തുടർന്നുവരുന്ന ഫുട്ബോൾ ടൂർണമെന്റിന്റെ ലക്ഷ്യം ഈ വർഷത്തോടെ സാക്ഷാത്കരിക്കുമെന്നും, അടുത്ത വർഷം മുതൽ കോട്ടൂളിയുടെ പൊതു കളി സ്ഥലത്ത് ഈ ടൂർണമെന്റ് നടക്കുമെന്നും സംഘാടകർ പറഞ്ഞു. കഴിഞ്ഞ വർഷങ്ങളിൽ നിന്നും വ്യത്യസ്തമായി ലീഗ് ഫുട്ബോൾ ടൂർണമെന്റിനൊപ്പം ലഹരിക്കെതിരെ ഫുട്ബോൾ ഉത്സവ് എന്ന പേരിൽ വിവിധ പരിപാടികൾ നടത്താനും DYFI കോട്ടൂളി മേഖലാ കമ്മറ്റി ആസൂത്രണം ചെയ്തിട്ടുണ്ട്.

Story Highlights : A village holds a football tournament to create its own playground for the country