കൊടിമരം കേടുവരുത്തിയ സംഭവം കേന്ദ്രം അന്വേഷിക്കും

ശബരിമലയിലെ പുതിയ സ്വർണ്ണ കൊടിമരം കേടുവരുത്തിയ സംഭവം കേന്ദ്ര ഏജൻസി അന്വേഷിക്കും. സംഭവത്തിൽ ഗൂഢാലോചന നടന്നിട്ടുണ്ടോ എന്നാണ് കേന്ദ്രം അന്വേഷിക്കുക. സംഭവത്തിൽ അട്ടിമറി ഇല്ലെന്നാണ് പ്രാഥമിക നിഗമനമെങ്കിലും പിടിയിലായവർക്കെതിരെ ജാമ്യമില്ലാ വകുപ്പാണ് ചുമത്തിയിരിക്കുന്നത്.

സംഭവത്തിൽ അഞ്ച് ആന്ധ്രാ സ്വദേശികളെ പൊലീസ് കസ്റ്റഡിയിൽ എടുത്തിട്ടുണ്ട്. ഇവരെ പൊലീസ് ചോദ്യം ചെയ്യുകയാണ്. കൊടിമരത്തിൽ ദ്രാവകമൊഴിച്ചെന്ന് പിടിയിലായവര്‍ മൊഴി നല്‍കിയിട്ടുണ്ട്. നവധാന്യത്തോടൊപ്പം പാദരസം എന്ന ദ്രാവകമൊഴിച്ചെന്നും ഇത് വിശ്വാസത്തിന്‍റെ ഭാഗമായാണെന്നുമാണ് ഇവർ മൊഴി നൽകിയിരിക്കുന്നത്.

sabarimala