ചൈനീസ് മൊബൈൽഫോണുകൾ ഉപയോഗിക്കരുതെന്ന് യുഎസ് രഹസ്യാന്വേഷണ ഏജൻസി

ചൈനീസ് കമ്പനികളുടെ മൊബൈൽ ഫോണുകൾ ഉപയോഗിക്കരുതെന്ന് അമേരിക്കൻ പൌരൻമാരോട് യുഎസ് രഹസ്യാന്വേഷണ ഏജൻസി. ഇസഡ്ടിഇ ഹുവായ് എന്നീ കമ്പനികളുടെ ഫോണുകൾ ഉപയോഗിക്കരുതെന്നാണ് നിർദേശം. അമേരിക്കയുടെ സുരക്ഷക്ക് ഭീഷണി സൃഷ്ടിക്കുന്നുവെന്നാണ് കമ്പനികൾക്കെതിരായ ആരോപണം.

യുഎസ് ചൈന ബന്ധം നയതന്ത്ര തലത്തിൽ വഷളായിക്കൊണ്ടിരിക്കുന്നതിനിടെയാണ് പുതിയ സംഭവവികാസങ്ങൾ. ചില ചൈനീസ് കമ്പനികൾ അമേരിക്കൻ സുരക്ഷക്ക് ഭീഷണിയാണെന്നാണ് സിഐഎ, എൻഎസ്എ, എഫ്ബിഐ തുടങ്ങിയ രഹസ്യാന്വേഷണ ഏജൻസികളുടെ വാദം.