സൂര്യാഘാതം; ജാഗ്രത പാലിക്കാൻ നിർദേശം

വടക്കൻ കേരളത്തിൽ ഉയർന്ന അന്തരീക്ഷ താപനില ശരാശരിയിൽ നിന്നും നാല് മുതൽ 10 ഡിഗ്രി വരെ ഉയരാൻ സാധ്യതയുളളതായി കേന്ദ്ര കാലാവസ്ഥാ വകുപ്പിൻറെ മുന്നറിയിപ്പ് ലഭിച്ചിട്ടുള്ളതിനാൽ പൊതുജനങ്ങൾ സൂര്യാഘാതമേൽക്കാതിരിക്കാൻ ജാഗ്രത പാലിക്കണമെന്ന് ദുരന്തനിവാരണവിഭാഗം.

രാവിലെ 11 മുതൽ ഉച്ചയ്ക്ക് ശേഷം മൂന്നു വരെയെങ്കിലും സൂര്യപ്രകാശം നേരിട്ട് ഏൽക്കുന്നത് ഒഴിവാക്കണം. നിർജലീകരണം തടയാൻ എപ്പോഴും കുപ്പിയിൽ വെള്ളം കരുതാനും അയഞ്ഞ ഇളം നിറത്തിലുള്ള പരുത്തി വസ്ത്രങ്ങൾ ധരിക്കാനും ദുരന്തനിവാരണവിഭാഗം നിർദേശിച്ചു.