കേരളത്തിന്റെ പുനർനിർമാണത്തിന് ഗ്ലോബൽസാലറി ചലഞ്ച്; സഹായമഭ്യർത്ഥിച്ച് മുഖ്യമന്ത്രി

പ്രളയക്കെടുതിയിൽ വലയുന്ന കേരളത്തിന്റെ പുനർനിർമ്മാണത്തിനായി ഗ്ലോബൽ സാലറി ചാലഞ്ചിന് വേരും തയ്യാറാകണമെന്ന് മുഖ്യമന്ത്രി പിണറായി വിജയൻ. ചികിത്സയ്ക്കായി അമേരിക്കയിലെത്തിയ മുഖ്യമന്ത്രി മലയാളി സമൂഹത്തെ അഭിസംബോധന ചെയ്ത് കേരളത്തിന്റെ അതിജീവനത്തിന് ഏവരും സഹകരിക്കണമെന്ന് ആഹ്വാനം ചെയ്തു.

ഇന്ത്യൻ സമയം രാവിലെ അഞ്ച് മണിക്കാണ് മുഖ്യമന്ത്രി അമേരിക്കൻ മലയാളി സമൂഹത്തെ അഭിസംബോധന ചെയ്തത്. ക്രൗഡ് ഫണ്ടിംഗ് അനിവാര്യമാണെന്ന് ചൂണ്ടികാട്ടിയ പിണറായി നാശനഷ്ടങ്ങൾ കണക്കാക്കി പുനർനിർമ്മാണം ഉണ്ടാകുമെന്നും വ്യക്തമാക്കി. അമേരിക്കൻ മലയാളികൾ നിന്ന് 150 കോടി രൂപ പ്രതീക്ഷിക്കുന്നുവെന്നും മുഖ്യമന്ത്രി പറഞ്ഞു. ധനസമാഹരണത്തിന് ആരെയും നിർബന്ധിക്കുന്നില്ലെന്നും മുഖ്യമന്ത്രി പറഞ്ഞു.