16
Oct 2021
Saturday
Covid Updates

    ജിഷയും മാതാവും മുമ്പും ആക്രമണങ്ങൾക്ക് വിധേയരായിട്ടുണ്ടെന്ന്‌ ജിഷയുടെ സഹോദരി

    പെരുമ്പാവൂരിലെ നിയമ വിദ്യാർത്ഥിയും ദളിത് യുവതിയുമായ ജിഷമോൾ കൊല്ലപ്പെട്ടിട്ട് ആറു ദിവസം കഴിയുമ്പോഴും അന്വേഷണം എവിടെയുമെത്തിയിട്ടില്ല. തെരഞ്ഞെടുപ്പ് അടുത്തതിനാൽ വാർത്ത പുറംലോകമറിയാതിരിക്കാനുള്ള ആസൂത്രിത ശ്രമങ്ങൾ പോലീസ് ഭാഗത്തുനിന്നുണ്ടായതെന്ന്  ആരോപണം ശക്തമാണ്.

    ജിഷയും മാതാവും മുമ്പും ആക്രമണങ്ങൾക്ക് വിധേയരായിട്ടുണ്ടെന്നും ഇതിനെതിരെ പരാതി നൽകിയിട്ടും പോലീസ് ഒരു നടപടിയും സ്വീകരിച്ചിട്ടില്ലെന്നും ജിഷയുടെ സഹോദരി ആരോപിച്ചു. ജിഷയ്ക്ക് ബന്ധുക്കൾ ഇല്ലാത്തതുകൊണ്ടാകും രാഷ്ട്രീയപാർട്ടികളും പൊതുപ്രവർത്തകരും ഇടപെടാൻ മടിക്കുന്നതെന്നും സഹോദരി പറഞ്ഞു.

    തന്റെ മകൾക്ക് നീതി ലഭിക്കണമെന്നും സത്യം തെളിയുമെന്നുമാണ് വിശ്വാസം എന്നും ജിഷയുടെ അമ്മ രാജേശ്വരി പറഞ്ഞു. ജിഷയുടെ കൊലപാതകത്തിൽ ഇതുവരെയും കുറ്റക്കാരെ കണ്ടെത്താത്ത സാഹചര്യത്തിൽ ആഭ്യന്തരമന്ത്രി രമേശ് ചെന്നിത്തല ഇന്ന് ജിഷയുടെ വീട്ടിൽ സന്ദർശനം നടത്തും.

    ജിഷയെ ക്രൂരമായി പീഡിപ്പിച്ച് കൊലപ്പെടുത്തിയവരെ ഉടൻ പിടികൂടണമെന്നാവശ്യപ്പെട്ട് നവ മാധ്യമങ്ങളിലും കേരളത്തിലെ വിവിധ ജില്ലകളിലും പ്രതിഷേധം നടക്കുന്നുണ്ട്.

    കേസിൽ ജിഷയുടെ സഹോദരി ഭർത്താവിനെ വീണ്ടും ചോദ്യം ചെയ്യാൻ പോലീസ് വിളിപ്പിച്ചിട്ടുണ്ട്. ഏറെ നാളായി ഇയാൾ കുടുംബത്തിൽനിന്ന് അകതന്നുകഴിയുകയാണ്.

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top