Advertisement

”കോട്ടും ടൈയ്യും വെയിറ്റർമാർക്കുള്ളത്”

June 24, 2016
0 minutes Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

കേന്ദ്രമന്ത്രി അരുൺ ജയ്റ്റ്‌ലിക്കെതിരെ പരോക്ഷ വിമർശനവുമായി സുബ്രഹ്മണ്യം സ്വാമി. മുഖ്യസാമ്പത്തിക ഉപദേഷ്ടാവ് അരവിന്ദ് സുബ്രഹ്മണ്യത്തിന് എതിരെയുള്ള പരാമർശങ്ങളോട് യോജിപ്പില്ലെന്ന ജയ്റ്റ്‌ലിയുടെ പ്രസ്താവനയ്ക്ക് തൊട്ടുപിന്നാലെയാണ് സ്വാമിയുടെ ട്വീറ്റ്. താൻ വ്യവസ്ഥിതിയെ വകവെച്ചില്ലെങ്കിൽ ഫലം കൂട്ടക്കുരുതി ആയിരിക്കുമെന്ന,് വിമർശിക്കുമ്പോൾ നിയന്ത്രണം പാലിക്കണമെന്ന് തന്നോട് ആവശ്യപ്പെടുന്നവർക്ക് അറിയില്ല എന്നാണ് സ്വാമിയുടെ ട്വീറ്റ്.

വിദേശ സന്ദർശനം നടത്തുന്ന വേളയിൽ മന്ത്രിമാർ പരമ്പരാഗത ആധുനിക ഇന്ത്യൻ വസ്ത്രങ്ങൾ ധരിക്കണമെന്നും സ്വാമി ആവശ്യപ്പെട്ടിട്ടുണ്ട്.കോട്ടും ടൈയ്യും ധരിച്ച് മന്ത്രിമാർ നിൽക്കുമ്പോൾ വെയിറ്റർമാരെപ്പോലെയാണെന്നും സ്വാമി പരിഹസിച്ചു. ചൈന ബാങ്ക് ചെയർമാൻ ടിയാൻ ഗുവോലിക്കൊപ്പം സ്യൂട്ട് ധരിച്ച് അരുൺ ജയ്റ്റ്‌ലി നിൽക്കുന്ന ചിത്രം ഇന്ന് പത്രങ്ങളിൽ പ്രസിദ്ധീകരിച്ചിരുന്നു.

തിരികെ പ്രതികരിക്കാൻ പരിമിതികളുള്ള ഉദ്യോഗസ്ഥരെ വിമർശിക്കുമ്പോൾ നിയന്ത്രണം പാലിക്കാൻ എല്ലാവരും ശ്രമിക്കണമെന്നായിരുന്നു അരവിന്ദ് സുബ്രഹ്മണ്യത്തിനെതിരായ സ്വാമിയുടെ പരാമർശങ്ങളോട് ജയ്റ്റ്‌ലിയുടെ പ്രതികരണം. അരവിന്ദിന്റെ പ്രവർത്തനങ്ങളിൽ സർക്കാർ പൂർണതൃപ്തരാണെന്നും ധനമന്ത്രി പറഞ്ഞിരുന്നു.അമേരിക്കൻ കൂറുള്ള അരവിന്ദിനെ പുറത്താക്കണമെന്നാണ് സ്വാമി ആവശ്യപ്പെട്ടിരുന്നത്.

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement