28
Sep 2021
Tuesday
Covid Updates

    ചക്കിട്ടപ്പാറയില്‍ വീണ്ടും ഇരുമ്പയിര് ഖനനത്തിന് നീക്കം

    കോഴിക്കോട് ചക്കിട്ടപ്പാറയില്‍ വീണ്ടും ഇരുമ്പയിര് ഖനനത്തിന് നീക്കം.  സിപിഎം ഭരിക്കുന്ന ചക്കിട്ടപ്പാറ പഞ്ചായത്ത് ഇക്കാര്യത്തില്‍ അനുകൂല നിലപാടാണ് എടുത്തതെന്ന് സൂചനയുണ്ട്.ഖനനത്തിന് അനുമതി നല്‍കണമെന്നാവശ്യപ്പെട്ട് ചക്കിട്ടപ്പാറ പഞ്ചായത്തിന് എംഎസ്‌പിഎല്‍ കമ്പനി കത്തയച്ചിട്ടുണ്ട്. ഈ കത്ത് ഇന്നലെ പഞ്ചായത്ത് സെക്രട്ടറി ഭരണസമിതി യോഗത്തില്‍ വച്ചു. എന്നാല്‍ യുഡിഎഫ് അംഗങ്ങളും സിപിഐ അംഗവും ഖനാനുമതി നല്‍കരുതെന്ന് യോഗത്തില്‍ നിലപാടെടുത്തെങ്കിലും സിപിഎം ഖനനത്തെ അനുകൂലിക്കുന്ന നിലപാടാണ് എടുത്തതെന്നാണ് സൂചന.
    ഖനനത്തിന് അനുമതി ലഭിച്ചാല്‍ 700 പേര്‍ക്ക് തൊഴില്‍ ലഭിക്കുമെന്ന് കമ്പനി പഞ്ചായത്തിന് നല്‍കിയ കത്തില്‍ ഉണ്ട്.
    ചക്കിട്ടപ്പാറയില്‍ ഖനാനുമതി നല്‍കിയ എല്‍ഡിഎഫ് സര്‍ക്കാറിന്റെ ഉത്തരവ് 2009ല്‍ യുഡിഎഫ് സര്‍ക്കാര്‍ റദ്ദാക്കിയതാണ്. ഇപ്പോള്‍ ഭരണമാറ്റം വന്നതോടെയാണ് എം.എസ്.പി.എല്‍ കമ്പനി വീണ്ടും ഖനനത്തിന് ശ്രമം നടത്താന്‍ ശ്രമിക്കുന്നത്.

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top