പനി കിടക്കയിൽ കേരളം; മൂന്ന് പേർ കൂടി മരിച്ചു

സംസ്ഥാനത്ത് ഡെങ്കിപ്പനി ബാധിച്ച് മൂന്ന് പേർ കൂടി മരിച്ചു. ഇതോടെ മരണസംഖ്യ 39 ആയി. കോഴിക്കോട് നന്മണ്ട സ്വദേശികളായ കുട്ടിമാളു അമ്മ, പരലാട് സ്വാദേശി ഗിരീഷ് കുമാർ, പാലക്കാട് സ്വാദേശി രഘു എന്നിവരാണ് മരിച്ചത്. ഇതോടെ പനി ബാധിച്ച് ഈ മാസം മരിച്ചവരുടെ എണ്ണം 39 ആയി. ഒന്നേ മുക്കാൽ ലക്ഷം പേരാണ് സംസ്ഥാനത്ത് പനി ബാധിച്ച് ഈ മാസം ചികിത്സ തേടിയത്. പനി ബാധിച്ചെത്തുന്നവരിൽ തിരുവനന്തപുരമാണ് മുന്നിൽ. കഴിഞ്ഞ മൂന്നു ദിവസത്തിനിടെ സർക്കാർ ആശുപത്രികളിൽ മാത്രം ചികിത്സ തേടിയെത്തിയത് അമ്പതിനായിരത്തിലധികം പേരാണ്.