പാചക വാതക വില കൂട്ടി

പാചക വാതക സിലിണ്ടറിന്റെ വില വീണ്ടും കൂട്ടി. ഗാർഹിക ആവശ്യത്തിനുള്ള എൽ.പി.ജി സിലിണ്ടറിന് 32 രൂപയാണ് കൂട്ടിയത്. ജി.എസ്.ടി പ്രാബല്യത്തിൽ വന്നതോടെയാണ് പാചകവാതക വില കുത്തനെ കൂടിയത്.

ജി.എസ്.ടി വന്നതോടെ 5 ശതമാനമാണ് പാചകവാതകത്തിന് നികുതി ഏർപ്പെടുത്തിയത്. സബ്‌സിഡിയില്ലാത്ത സിലിണ്ടറിന് 18 ശതമാനമാണ് ജി.എസ്.ടി. ഇതോടെ സബ്‌സിഡിയുള്ള സിലിണ്ടറിന് 32 രൂപയും സബ്‌സിഡിയില്ലാത്ത സിലിണ്ടറിന് 11.5 രൂപയുമാണ് കൂടിയത്. ആറ് വർഷത്തെ ഏറ്റവും വലിയ വില വർധനയാണിത്.