കോഴിക്കോട് എൻഐടിയിൽ വിദ്യാർത്ഥി ആത്മഹത്യ ചെയ്ത നിലയിൽ

കോഴിക്കോട് എൻഐടിയിൽ വിദ്യാർത്ഥിയെ ആത്മഹത്യ ചെയ്ത നിലയിൽ കണ്ടെത്തി. തിരുവനന്തപുരം സ്വദേശിയായ അരുൺ കൃഷ്ണ (24) യെയാണ് മരിച്ച നിലയിൽ കണ്ടെത്തിയത്.

ഇന്ന് രാവിലെ 11 മണിയോടെ എൻഐടി എംബിഎ ഹോസ്റ്റലിന്റെ നാലാം നിലയിലെ 2405ആം നമ്പർ മുറിയിലാണ് അരുണിനെ ജനലിൽ തൂങ്ങിയ നിലയിൽ കണ്ടെത്തിയത്.

രാവിലെ സുഹൃത്ത് വിളിച്ചിട്ടും അരുൺ ഫോൺ എടുക്കാത്തതിനെ തുടർന്ന് വാർഡനും സെക്യൂരിറ്റിയും ചേർന്ന് വാതിൽ തള്ളിത്തുറക്കുകയായിരുന്നു. സംഭവത്തിൽ പോലീസ് അന്വേഷണം ആരംഭിച്ചു.