ഗൗരി ലങ്കേഷിന്റെ കൊലപാതകം; സിസിടിവി ദൃശ്യങ്ങള്‍ അമേരിക്കയിലേക്ക് അയച്ചു

മുതിര്‍ന്ന മാധ്യമ പ്രവര്‍ത്തക ഗൗരി ലങ്കേഷ് കൊല്ലപ്പെട്ട സംഭവത്തില്‍ ലഭിച്ച സിസിടിവി ദൃശ്യങ്ങള്‍ അമേരിക്കയിലേക്ക് അയച്ചു.  വിദഗ്ധ പരിശോധനയ്ക്കായാണ്  ദൃശ്യങ്ങള്‍ അമേരിക്കയിലേക്ക് അയച്ചത്. ഡിജിറ്റല്‍ ലബോറിട്ടറിയിലേക്കാണ് ദൃശ്യങ്ങള്‍ അയച്ചത്.  പ്രതികളെ കണ്ടെത്താനാവാതെ ഇരുട്ടില്‍ തപ്പുമ്പോളാണ് കര്‍ണ്ണാടക പൊലിസിലെ പ്രത്യേക അന്വേഷണ സംഘത്തിന്‍റെ പുതിയ നീക്കം.  കൊലപാതകത്തില്‍ പൊലീസിന്‍റെ പക്കലുള്ള ഏക തെളിവാണ് ഗൗരി ലങ്കേഷിന്‍റെ വീട്ടിലെ സിസിടിവി ദൃശ്യങ്ങള്‍.