ഫാദര്‍ ടോം ഉഴുന്നാലില്‍ ബാംഗ്ലൂരിലെത്തി

ഭീകരരുടെ തടവില്‍ നിന്ന് മോചിതനായ ഫാദര്‍ ടോം ഉഴുന്നാലില്‍ ബാംഗ്ലൂരിലെത്തി. കര്‍ണ്ണാടക ആഭ്യന്തര മന്ത്രി കെ ജെ ജോര്‍ജ്ജും, സെലേഷ്യന്‍സ് പ്രൊവിന്‍സ് പ്രതിനിധികളും ചേര്‍ന്ന് അദ്ദേഹത്തെ സ്വീകരിച്ചു. ഉച്ചയോടെ സിബിസിഐ യോഗവേദിയിലെത്തി ബിഷപ്പുമാരേയും കര്‍ദിനാള്‍മാരേയും സന്ദര്‍ശിക്കും. വൈകുന്നരം മുഖ്യമന്ത്രി സിദ്ധരാമയ്യ അടക്കമുള്ള പ്രമുഖര്‍ പങ്കെടുക്കുന്ന പൊതുസമ്മേളനത്തില്‍ ഉഴുന്നാലില്‍ നന്ദിപ്രസംഗം നടത്തും. ഞായറാഴ്ച അദ്ദേഹം കേരളത്തിലേക്ക് തിരിക്കും.