യുഡിഎഫിന്റെ രാപകൽ സമരം ഇന്ന്

കേന്ദ്ര സംസ്ഥാന സർക്കാറുകളുടെ നയങ്ങൾക്കെതിരെ യു.ഡി.എഫിന്റെ രാപ്പകൽ സമരം ഇന്ന് ആരംഭിക്കും. രാവിലെ 10 മുതൽ നാളെ രാവിലെ 10 വരെയാണ് സമരം. സെക്രട്ടേറിയറ്റിന് മുന്നിൽ കെ.പി.സി.സി പ്രസിഡന്റ് എം.എം ഹസ്സൻ സമരം ഉദ്‌ഘാടനം ചെയ്യും. മറ്റു ജില്ലകളില്‍ കളക്ട്രേറ്റിന് മുന്നിലും സമരം നടക്കും. വേങ്ങര ഉപതെരഞ്ഞെടുപ്പ് കണക്കിലെടുത്ത് മലപ്പുറത്തെ സമരത്തിൽ നിന്ന് ഒഴിവാക്കിയിട്ടുണ്ട്. മലപ്പുറത്ത് തെരഞ്ഞെടുപ്പിനും വോട്ടെണ്ണലിനും ശേഷം ഈ മാസം 19ന് സമരം നടത്താനാണ് തീരുമാനം.