ഇന്ധന വില വർദ്ധന; എൽഡിഎഫ് സമരത്തിൽ പങ്കുചേരാൻ തയ്യാറെന്ന് ഹസ്സൻ

ഇന്ധന വില വർദ്ധനവിനെതിരെ എൽഡിഎഫ്‌ നടത്തുന്ന സമരത്തിൽ പങ്കുചേരാൻ തയ്യാറെന്ന് കെപിസിസി അധ്യക്ഷൻ എം എം ഹസ്സൻ. കേന്ദ്ര സർക്കാരിനെതിരായ സമരത്തിൽ ഒരുമിച്ച് നിൽക്കാമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ കഴിഞ്ഞ ദിവസം പറഞ്ഞിരുന്നു. ഇന്ധന വില കുത്തനെ കൂടിയ സാഹചര്യത്തിൽ കേന്ദ്ര സർക്കാർ തുടരുന്ന നിഷേധാത്മക നിലപാടുകൾക്കെതിരെയാണ് ഇരു മുന്നണികളും രംഗത്തുള്ളത്.