Advertisement

ഡെറാഡൂണിൽ സിപിഎം ഓഫീസിന് നേരെ ബിജെപി ആക്രമണം; മൂന്ന് പ്രവർത്തകർക്ക് പരിക്കേറ്റു

October 15, 2017
1 minute Read
bjp attacked cpim office Dehradun
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

ഉത്തരാഖണ്ഡ് സംസ്ഥാന തലസ്ഥാനമായ ഡെറാഡൂണിലെ സിപിഐഎം ഓഫീസിനുനേരെ ബിജെപി ആക്രമണം. ഒരു കൂട്ടം ആളുകൾ ഓഫീസിലേക്ക് അതിക്രമിച്ച് കയറി സിപിഐഎം പ്രവർത്തകരെ ക്രൂരമായി മർദ്ദിക്കുകയും ഓഫീസ് തല്ലി തകർക്കുകയും ചെയ്തു. പോലീസ് നോക്കി നിൽക്കെയാണ് ബിജെപി പ്രവർത്തകർ ആക്രമണം അഴിച്ചുവിട്ടത്.

ബിജെപിയുടെ ആക്രമണത്തിൽ മൂന്ന് സിപിഐഎം പ്രവർത്തക്ക് ഗുരുതരമായി പരിക്കേറ്റു. കേരളത്തിൽ ബിജെപി-ആർഎസ്എസ് പ്രവർത്തകരെ സിപിഐ എം ആക്രമിക്കുകയാണെന്ന് ആരോപിച്ച് ബിജെപി നടത്തിയ പ്രകടനത്തിനിടെയായിരുന്നു സംഭവം.

ബിജെപി പ്രസിഡന്റ് ഉമേഷ് അഗർവാളിന്റെ നേതൃത്വത്തിലായിരുന്നു ആക്രമണം. സിപിഐ എം ഓഫീസിനു മുമ്പിലെത്തിയ പ്രതിഷേധക്കാർ യാതൊരു പ്രകോപനവും കൂടാതെ ഓഫീസിനുനേരെ അക്രമം അഴിച്ചുവിടുകയും പ്രവർത്തകരെ ക്രൂരമായി മർദ്ദിക്കുകയുമായിരുന്നുവെന്നും സിപിഎം ഉത്തരാഖണ്ഡ് സംസ്ഥാന നേതൃത്വം അറിയിച്ചു.

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement