പ്രസിഡന്‍റ്​ പദവി ഒഴിയില്ലെന്ന്​ റോബര്‍ട്ട്​ മുഗാബെ

സിംബാ​ബ്​വേ പ്രസിഡന്‍റ്​ പദവി ഒഴിയില്ലെന്ന്​ റോബര്‍ട്ട്​ മുഗാബെ. ഡിസംബറില്‍ നടക്കുന്ന പാര്‍ട്ടി കോണ്‍ഗ്രസില്‍ താന്‍ അധ്യക്ഷത വഹിക്കുമെന്നും മുഗാബെ വ്യക്​തമാക്കി. ടെലിവിഷനിലൂടെ നടത്തിയ പ്രസംഗത്തിലാണ് മുഗാബൈ ഇക്കാര്യം വ്യക്തമാക്കിയത്.

നേരത്തെ സിംബാബ്​വേയിലെ ഭരണ കക്ഷിയായ സാനു പി.എഫ്​ മുഗാബെയെ പാര്‍ട്ടി നേതൃസ്ഥാനങ്ങളില്‍ നിന്ന്​ നീക്കിയിരുന്നു. പ്രസിഡന്‍റ്​ പദവി 24 മണിക്കൂറിനകം ഒഴിയണമെന്നും അല്ലെങ്കില്‍ ഇംപീച്ച്‌​മെന്റ്​ നടപടികള്‍ ആരംഭിക്കുമെന്നും പാര്‍ട്ടി മുന്നറിയിപ്പ്​ നല്‍കിയിരുന്നു. ഇതിന്​ പിന്നാലെയാണ്​ മുഗാബെ ടെലിവിഷനില്‍ പ്രത്യക്ഷപ്പെട്ടത്.
Robert Mugabe