ഓഖി ചുഴലിക്കാറ്റ്; ദുരന്ത നിവാരണ അതോറിറ്റിയുടെ പുതിയ മുന്നറിയിപ്പ്

കേരളത്തില്‍ നിന്ന് ലക്ഷദ്വീപ് ലക്ഷ്യമാക്കി ഒാഖി ചുഴലിക്കാറ്റ് നീങ്ങിയെങ്കിലും ചുഴലിക്കാറ്റിന്റെ സാധ്യത തള്ളിക്കളയാനാകില്ലെന്ന് ദുരന്ത നിവാരണ അതോറിറ്റി. ഉയര്‍ന്ന തിരമാലകളാണ് കേരളത്തിലെ കടല്‍ത്തീരത്ത് ഇപ്പോഴുള്ളത് ഇക്കാരണത്താല്‍ കടല്‍ തീരത്ത് യാതൊരു കാരണവശാലും പോകരുതെന്നും അതോറിറ്റി മുന്നറിയിപ്പ് നല്‍കുന്നു. കനത്ത മഴ തുടരുന്നതിനാല്‍ താഴ്ന്ന പ്രദേശങ്ങളില്‍ വെള്ളപ്പൊക്കത്തിന് സാധ്യതയുണ്ട്. പുഴയിലും മറ്റ് ജലാശയങ്ങളിലും ക്രമാതീതമായ നിലയില്‍ വെള്ളത്തിന്റെ ഒഴുക്ക് വര്‍ദ്ധിക്കാനും കാരണമുണ്ട്, ജനങ്ങള്‍ ജാഗ്രത പാലിക്കണമെന്നാണ് ദുരന്ത നിവാരണ അതോറിറ്റിയുടെ ഏറ്റവും പുതിയ മുന്നറിയിപ്പ്.

okhi cyclone